యూపీ కాంగ్రెస్​ చీఫ్​గా రాజ్​ బబ్బర్​ స్థానంలో అజయ్​

కాంగ్రెస్​ పార్టీ యూపీ పాలకవర్గంలో భారీ మార్పులు చోటుచేసుకున్నాయి. రాష్ట్ర పార్టీ అధ్యక్షుడిగా అజయ్ కుమార్ లల్లును నియమించింది కాంగ్రెస్​. రాజ్​ బబ్బర్​ స్థానంలో పదవి బాధ్యతలు చేపట్టనున్నారు లల్లు.

కాంగ్రెస్​ పార్టీ ఉత్తరప్రదేశ్​ రాష్ట్ర అధ్యక్షుడిగా అజయ్​ కుమార్​ లల్లు నియమితులయ్యారు. రాజ్ బబ్బర్ స్థానంలో అజయ్ కుమార్​కు బాధ్యతలు అప్పగిస్తూ కాంగ్రెస్ అధిష్ఠానం నిర్ణయం తీసుకుంది. అధ్యక్ష పదవి సహా రాష్ట్ర కార్యవర్గంలో కీలక మార్పులు చేసింది కాంగ్రెస్. నలుగురు ఉపాధ్యక్షులు, 12 ప్రధాన కార్యదర్శలు, 24 కార్యదర్శుల నియామకానికి ఆదేశాలు జారీ చేసింది.

అజయ్​ కుమార్ ఉత్తర్​ప్రదేశ్ అసెంబ్లీలో సీఎల్​పీ నేతగా ఉన్నారు. ఆయన తమ్​కుహి రాజ్​ నియోజకవర్గం నుంచి రెండు సార్లు ఎమ్మెల్యేగా ఎన్నికయ్యారు. కాంగ్రెస్​ ప్రధాన కార్యదర్శి (ఉత్తర ప్రదేశ్ తూర్పు ఇన్​ఛార్జ్​) ప్రియంకగాంధీకి సన్నిహితుడిగా అజయ్​కుమార్​కు పేరుంది.

మరో వైపు.. ఏఐసీసీ ప్రధాన కార్యదర్శికి 18 మందితో కూడిన సలహా మండలిని ఏర్పాటు చేస్తూ కాంగ్రెస్ పార్టీ జాతీయ అధ్యక్షురాలు సోనియా గాంధీ నిర్ణయం తీసుకున్నారు.

ఇదీ చూడండి: కశ్మీర్​ పర్యటనకు గ్రీన్​ సిగ్నల్- గురువారం నుంచి షురు!