డీఆర్​డీఓ 'అస్త్ర' క్షిపణి పరీక్ష విజయవంతం

డీఆర్​డీఓ అభివృద్ధి చేసిన అస్త్ర క్షిపణిని భారత వాయుసేన సోమవారం విజయవంతంగా పరీక్షించింది. సుఖోయ్​-30 యుద్ధ విమానం ద్వారా ఈ 'అస్త్రా'న్ని ప్రయోగించారు.

భారత రక్షణ పరిశోధన, అభివృద్ధి సంస్థ- డీఆర్​డీఓ అభివృద్ధి చేసిన అస్త్ర క్షిపణిని వాయుసేన సోమవారం విజయవంతంగా పరీక్షించింది. సుఖోయ్-30 MKI యుద్ధ విమానం ద్వారా అస్త్రను ప్రయోగించారు. గగనతలం నుంచి గగనతలంలోని లక్ష్యాలపై దీన్ని ప్రయోగించవచ్చు.

దాదాపు 110 కిలోమీటర్ల పరిధిలోని లక్ష్యాలను అస్త్ర ఛేదించగలదని డీఆర్​డీఓ అధికారులు తెలిపారు. తాజా ప్రయోగంతో భారత వాయుసేన మరింత పటిష్ఠం కానుంది.