రఫేల్ రాక కోసం ఎదురుచూస్తోన్న యావత్ భారతావని కళ నెరవేరింది. శత్రుదుర్భేద్యమైన యుద్ధ విమానాలు భారత అమ్ములపొదిలో నేడు చేరనున్నాయి. హరియాణాలోని అంబాలా వైమానిక స్థావరంలో అడుగుపెట్టనున్నాయి. ఈ తరుణంలో.. హై అలర్ట్ ప్రకటించింది ఆ రాష్ట్ర ప్రభుత్వం. అంబాలా ఎయిర్బేస్ పరిసర ప్రాంతాలలో మంగళవారం నుంచే 144 సెక్షన్ విధించింది. ఫొటోలు, వీడియోలకు అనుమతి నిరాకరించిన జిల్లా అధికారులు.. ఆ ప్రాంతంలో కనీసం మూడు కిలోమీటర్ల వరకూ డ్రోన్లను కూడా నిషేధించింది.
మధ్యాహ్నం 2 గంటల ప్రాంతంలో భారత్కు చేరుకుంటాయని వైమానికదళ అధికారులు తెలిపారు. అంతకుముందే ఎయిర్చీఫ్ మార్షల్ ఆర్కేఎస్ బదౌరియా అక్కడికి చేరుకుంటారని చెప్పారు. తొలి బృందంలో భారత్కు వస్తోన్న 5 రఫేల్ జెట్లను బదౌరియా అందుకోనున్నట్లు తెలిపారు.
సోమవారం ఫ్రాన్స్లో బయల్దేరిన 5 రఫేల్ యుద్ధ విమానాలు.. సుమారు 7 వేల కిలో మీటర్లకుపైగా ప్రయాణించి.. ఇవాళ (జులై 29)న అంబాలా విమానాశ్రయంలో అడుగిడనున్నాయి. రఫేల్ యుద్ధ విమానాలు అంబాలాకు చేరుకున్న అనంతరం.. భారత వైమానిక దళం(ఐఏఎఫ్)లో అధికారిక లాంఛన కార్యక్రమాలు చేపట్టనున్నారు.
ఐఏఎఫ్లో పోరాట సామర్థ్యం పెంచేందుకు గానూ.. ఫ్రాన్స్తో 36 రఫేల్ జెట్లకు ఒప్పందం కుదుర్చుకుంది భారత్. ఈ మేరకు రూ. 59వేల కోట్లు చెల్లించనుంది.