21:16 December 08
రైతులతో బుధవారం జరిగే సమావేశానికి ముందు పలు కర్షక సంఘాల ప్రతినిధులతో కేంద్ర హోంమంత్రి అమిత్ షా భేటీ అయ్యారు.
13 మంది రైతు నాయకులను చర్చలకు పిలిచినట్లు సంబంధిత వర్గాలు తెలిపాయి. రాత్రి 8 గంటల తర్వాత చర్చలు ప్రారంభమైనట్లు వెల్లడించాయి. చర్చలకు హాజరైన వారిలో ఎనిమిది మంది పంజాబ్, ఐదుగురు దేశవ్యాప్తంగా వివిధ రైతు సంఘాల నేతలకు చెందినవారని పేర్కొన్నాయి.
తొలుత అమిత్ షా నివాసంలో సమావేశం జరుగుతుందని భావించామని, అయితే ప్రస్తుతం పూసా ప్రాంతంలో చర్చలు జరుగుతున్నాయని పలువురు రైతు సంఘాల నేతలు తెలిపారు.
18:49 December 08
దిల్లీలో నిరసన చేస్తున్న హరియాణా సోనిపట్కు చెందిన అజయ్ మూర్(32) అనే రైతు మరణించాడు. టిక్రీ సరిహద్దులో ఆందోళనలో పాల్గొన్న ఆయన దగ్గర్లోని ఓపెన్ పార్క్లో నిద్రించేవాడని.. ఇవాళ ఉదయం ప్రాణాలు కోల్పోయాడని పోలీసులు తెలిపారు. మృతదేహాన్ని శవపరీక్ష నిమిత్తం ఆస్పత్రికి పంపించినట్లు చెప్పారు.
18:39 December 08
'ఆమ్ ఆద్మీగా వెళ్లాలనుకున్నా.. కానీ అడ్డుకున్నారు'
రైతులకు మద్దతు తెలిపేందుకు ముఖ్యమంత్రిగా కాకుండా.. సాధారణ వ్యక్తిగా వెళ్లాలని అనుకున్నట్లు దిల్లీ సీఎం అరవింద్ కేజ్రీవాల్ పేర్కొన్నారు. ప్రణాళికలు తెలుసుకొని తనను అడ్డుకున్నారని పరోక్షంగా కేంద్రాన్ని ఉద్దేశించి అన్నారు. భారత్ బంద్ విజయవంతం కావడం సంతోషంగా ఉందని తెలిపారు. ఇంట్లోనే ఉండి రైతుల కోసం ప్రార్థించినట్లు చెప్పారు.
17:05 December 08
15:56 December 08
కాంగ్రెస్-భాజపా కార్యకర్తల ఘర్షణ..
భారత్ బంద్ నిరసనల్లో భాగంగా.. రాజస్థాన్లో భాజపా, కాంగ్రెస్ కార్యకర్తల మధ్య ఘర్షణ చెలరేగింది. జైపుర్లోని భాజపా కార్యాలయం ఎదుట ఈ ఘటన జరిగింది.
15:25 December 08
అంబులెన్స్కు దారి..
హరియాణాలో భారత్ బంద్ పాటిస్తున్న నిరసనకారులు.. అంబులెన్స్కు దారి ఇచ్చి మానవత్వం చాటారు. అంబాలా, హిసార్ జాతీయ రహదారిపై ఈ ఘటన జరిగింది.
15:07 December 08
భారత్ బంద్తో స్తంభించిన జనజీవనం..
14:57 December 08
అమిత్ షాతో భేటీ..
వ్యవసాయ చట్టాల గురించి చర్చించేందుకు.. ఇవాళ రాత్రి 7 గంటలకు కేంద్ర హోం మంత్రి అమిత్ షాను కలవనున్నట్లు వెల్లడించారు భారతీయ కిసాన్ యూనియన్ అధికార ప్రతినిధి టికైత్. ప్రస్తుతం దిల్లీ సింఘూ సరిహద్దు వద్దకు వెళ్లి అక్కడినుంచి హోం మంత్రి నివాసానికి వెళ్తామని స్పష్టం చేశారు.
14:46 December 08
లాయర్ల నిరసన..
దిల్లీ తీస్ హజారీ జిల్లా కోర్టు వద్ద.. భారత్ బంద్కు మద్దతుగా అఖిల భారత న్యాయవాదుల సంఘం ఆధ్వర్యంలో నిరసన వ్యక్తం చేస్తున్నారు. రైతులకు సరైన పరిష్కారం లభించాలని వారు కోరారు.
14:45 December 08
తోమర్తో హరియాణా సీఎం భేటీ..
వ్యవసాయ చట్టాలకు వ్యతిరేకంగా రైతులు చేస్తున్న ఆందోళనలపై చర్చించేందుకు వ్యవసాయ మంత్రి తోమర్ ఇంటికి వెళ్లారు హరియాణా ముఖ్యమంత్రి మనోహర్ లాల్ ఖట్టర్. తదుపరి వ్యూహాలపై చర్చిస్తున్నారు.
14:14 December 08
బెంగళూరులో వినూత్న నిరసన
నూతన వ్యవసాయ చట్టాలకు వ్యతిరేకంగా బెంగళూరులోని టౌన్ హాల్ వద్ద రాజకీయ పార్టీలు, వివిధ సంస్థలు వినూత్నంగా నిరసన తెలిపాయి.
13:54 December 08
పుదుచ్చేరిలో ప్రదర్శన..
కాంగ్రెస్తో పాటు ఇతర రాజకీయ పార్టీల ఆధ్వర్యంలో పుదుచ్చేరిలో నూతన వ్యవసాయ చట్టాలకు నిరసిస్తూ ప్రదర్శన నిర్వహించారు. ఈ ర్యాలీలో పుదుచ్చేరి సీఎం నారయణస్వామి పాల్గొన్నారు.
13:45 December 08
జమ్ముకశ్మీర్లో పాక్షికం..
రైతు సంఘాలు ఇచ్చిన బంద్కు జమ్ముకశ్మీర్లో మిశ్రమ స్పందన లభించింది. ప్రజా రవాణా పూర్తిగా నిలిచిపోయింది. దీంతో ప్రయాణికులు ఇబ్బందులు పడ్డారు. దుకాణాలు, వ్యాపార సంస్థలు పాక్షికంగా తెరుచుకున్నాయి.
13:18 December 08
నల్ల రిబ్బన్లు ధరించి నిరసన
రైతులు నిర్వహిస్తున్న భారత్ బంద్కు మద్దతుగా దిల్లీ సరోజిని నగర్ మార్కెట్లోని వర్తకులు నల్ల రిబ్బన్లు ధరించారు. రైతుల చేస్తున్న డిమాండ్ను నెరవేర్చాలని కేంద్రాన్ని కోరారు. కనీస మద్దతు ధర డిమాండ్ను కేంద్రం ఎందుకు నెరవేర్చడం లేదని ప్రశ్నించారు.
13:07 December 08
భారత్ బంద్కు దేశంలోని ప్రతి ఒక్కరు మద్దతుగా నిలవాలని ట్విట్టర్ వేదికగా పిలుపునిచ్చారు కాంగ్రెస్ అగ్రనేత రాహుల్ గాంధీ. రైతు చట్టాలను ఉపసంహరించుకోవాలని కేంద్రాన్ని డిమాండ్ చేస్తున్న అన్నదాతలకు బాసటగా నిలవాలని హిందీలో ట్వీట్ చేశారు. రైతుల నుంచి దోచుకోవడం ఆపాలని ప్రధాని మోదీపై విమర్శలు గుప్పించారు.
12:57 December 08
వివిధ పార్టీలకు చెందిన ఐదారు మంది నాయకులు రేపు కలవనున్నట్లు చెప్పారు ఎన్సీపీ అధినేత శరద్ పవార్. అందురూ కూర్చొని చర్చించి ఏకాభిప్రాయానికి రానున్నట్లు తెలిపారు. రేపు సాయంత్రం 5 గంటలకు రాష్ట్రపతితో భేటీ అయినప్పుడు తమ ఉమ్మడి నిర్ణయాన్ని ఆయనకు తెలియజేస్తామని చెప్పారు.
12:51 December 08
బిహార్ మొత్తం బంద్..
బిహార్లో భారత్ బంద్ ప్రభావం స్పష్టంగా కన్పించింది. ప్రతిపక్ష ఆర్జేడీ, పప్పు జాదవ్ నేతృత్వంలోని జన్ అధికారి పార్టీ బంద్కు మద్దతు తెలిపాయి. ఆ పార్టీల కార్యకర్తలు జెండాలు పట్టుకొని రాష్ట్ర వ్యాప్తంగా నిరసనలు చేపట్టారు. ఫలితంగా దుకాణాలను తెరిచేందుకు ఎవరూ ధైర్యం చేయలేదు. రోడ్లన్నీ బోసిపోయి నిర్మానుష్యంగా కన్పించాయి.
12:38 December 08
రాజస్థాన్లో మిశ్రమ స్పందన..
రైతు సంఘాలు పిలుపునిచ్చిన భారత్ బంద్కు రాజస్థాన్లో మిశ్రమ స్పందన వచ్చింది. మార్కెట్లను స్వచ్ఛందంగా మూసివేయగా, కొన్ని దుకాణాలు మాత్రం యథావిధిగా తెరుచుకున్నాయి. భారత్ బంద్కు రాష్ట్రంలోని అధికార కాంగ్రెస్ మద్దతు తెలిపింది. బంద్ శాంతియుతంగా జరుగుతున్నట్లు కిసాన్ మహా పంచాయత్ అధ్యక్షుడు రాంపాల్ జాట్ తెలిపారు. రాష్ట్రంలోని అన్ని మార్కెట్లు బంద్ను పాటించినట్లు పేర్కొన్నారు. పెట్టుబడిదారులకు అనుకూలంగా కేంద్రం తీసుకొచ్చిన రైతు వ్యతిరేక చట్టాలను ఉపసంహరించుకోవాలని డిమాండ్ చేశారు.
12:19 December 08
రేపు విపక్ష నేతల భేటీ
12:14 December 08
11:54 December 08
దిల్లీ-యూపీ సరిహద్దులో..
దిల్లీ-యూపీ సరిహద్దులోని ఘాజిపుర్-ఘాజియాబాద్ రహదారిపై రైతులు, రైతు సంఘాల నాయకులు ఆందోళనకు దిగారు.
11:41 December 08
మోహలీలో..
బంద్లో భాగంగా ఛండీగఢ్ మోహలీ జాతీయ రహదారిని ఆందోళనకారులు దిగ్బంధించారు.
11:27 December 08
అసోంలో అరెస్ట్
అసోంలోని గువహటిలో నూతన వ్యవసాయ చట్టాలను నిరసిస్తూ జనతా భవన్ ఆందోళన చేస్తున్న వారిని పోలీసులు అదుపులోకి తీసుకున్నారు.
11:22 December 08
11:20 December 08
కేజ్రీవాల్ హౌస్ అరెస్ట్పై పోలీసులు ఏమన్నారంటే..
దిల్లీ సీఎం కేజ్రీవాల్ను పోలీసులు హౌస్ అరెస్ట్ చేశారు. సోమవారం సింఘు సరిహద్దులో రైతులను కలిసినప్పటి నుంచి పోలీసులు కేజ్రీవాల్ను గృహ నిర్బంధం చేసినట్లు ఆమ్ ఆద్మీ పార్టీ అధికార ప్రతినిధి సౌరభ్ తెలిపారు. కేంద్ర హోంమంత్రి అమిత్ షా ఆదేశాల మేరకే కేజ్రీవాల్ను హౌస్ అరెస్ట్ చేసినట్లు ఆయన ఆరోపించారు. ఇంట్లోకి పోవడానికి.. ఇంట్లో ఉన్నవాళ్లు బయటికి రావడానికి ఎవరినీ అనుమతించడం లేదన్నారు.
అయితే హౌస్ అరెస్ట్ విషయంపై స్పందించారు దిల్లీ పోలీసులు. సీఎం కేజ్రీవాల్ గృహ నిర్బంధం చేశామనడంలో వాస్తవం లేదన్నారు. నిన్న సాయంత్రం కూడా కేజ్రీవాల్ బయటకు వచ్చినట్లు పోలీసులు తెలిపారు. ఆయన సీఎం కాబట్టి ఎక్కడికైనా పోవచ్చని తెలిపారు. రక్షణ కోసమే సీఎం ఇంటి వెలుపల సెక్యూరిటీని ఏర్పాటు చేసినట్లు వెల్లడించారు.
10:57 December 08
ఎన్హెచ్9 పూర్తిగా దిగ్బంధం
భారత్ బంద్లో భాగంగా దేశవ్యాప్తంగా రైతులు జాతీయ రహదారి-9ని పూర్తిస్థాయిలో దిగ్బంధించారు.
10:55 December 08
బంద్లో పాల్గొన్న ఆటో, టాక్సీ యూనియన్లు
రైతు సంఘాలు ఇచ్చిన బంద్లో కొన్ని ఆటో, టాక్సీ యూనియన్లు పాల్గొన్నాయి. నూతన వ్యవసాయ చట్టాలను రద్దు చేయాలని నాయకులు డిమాండ్ చేశారు.
10:35 December 08
దిల్లీ సీఎం కేజ్రీవాల్ను పోలీసులు హౌస్ అరెస్ట్ చేశారు. సోమవారం సింఘు సరిహద్దులో రైతులను కలిసినప్పటి నుంచి పోలీసులు కేజ్రీవాల్ను గృహ నిర్బంధం చేసినట్లు ఆమ్ ఆద్మీ పార్టీ ట్వీట్ చేసింది.
10:34 December 08
ఝార్ఖండ్లో బైక్ ర్యాలీ
నూతన సాగు చట్టాలకు వ్యతిరేకంగా ఝార్ఖండ్లో ట్రేడ్ యూనియన్ల ఆధ్వర్యంలో బైక్ ర్యాలీ నిర్వహించారు.
10:29 December 08
బంగాల్లో దిష్టిబొమ్మ దహనం
కోల్‌కతాలోని జాదవ్పుర్లో నూతన సాగు చట్టాలకు వ్యతిరేకంగా వామపక్షాల ఆధ్వర్యంలో దిష్టిబొమ్మను దహనం చేశారు.
10:15 December 08
బంగాల్లో ట్రేడ్ యూనియన్ల ఆధ్వర్యంలో..
బంగాల్లో ట్రేడ్ యూనియన్ల ఆధ్వర్యంలో బంద్కు మద్దతుగా ప్రదర్శన నిర్వహించారు నాయకులు. కేంద్రం నూతన చట్టాలను వెనక్కి తీసుకోవాలని నినాదాలు చేశారు.
10:14 December 08
బిహార్లో నిరసన
బిహార్లోని గాంజ్ చౌక్లో ఆర్జేడీ నాయకులు ఆందోళనలో పాల్గొన్నారు. రోడ్డుపై టైర్ దహనం చేసి నిరసన తెలిపారు.
10:04 December 08
నల్ల జెండాలతో కాంగ్రెస్ నిరసన
కర్ణాటకలో కాంగ్రెస్ ఆధ్వర్యంలో నిరసన చేపట్టారు. బెంగళూరులోని విధాన సౌధ వద్ద ఉన్న గాంధీ విగ్రహం నల్ల జెండాలతో నిరసన తెలిపారు. కేంద్ర ప్రభుత్వానికి వ్యతిరేకంగా నినాదాలు చేశారు.
09:56 December 08
కర్ణాటకలో రోడ్లపై బైఠాయింపు..
కర్ణాటకలో భారత్ బంద్కు మద్దతుగా రోడ్లమీదకు వచ్చారు వామపక్ష నాయకులు. కాలాబర్గిలో రోడ్లపై బైఠాయించిన నాయకులు.. కేంద్ర ప్రభుత్వానికి వ్యతిరేకంగా నినాదాలు చేశారు.
09:50 December 08
అన్నా హజారే ఒకరోజు దీక్ష
రైతు సంఘాలు ఇచ్చిన భారత్ బంద్కు మద్దతుగా సామాజిక కార్యకర్త అన్నా హజారే ఒక రోజు నిరాహార దీక్షలో కూర్చున్నారు. రైతుల ఆందోళన దేశమంతా వ్యాపించి.. కేంద్రం మీద ఒత్తిడి తెస్తుందని ఈ సందర్భంగా వ్యాఖ్యానించారు హజారే.
09:43 December 08
'మా ఆందోళన పూర్తిగా భిన్నమైంది'
నూతన చట్టాలకు వ్యతిరేకంగా తాము చేస్తున్న ఆందోళన న్యాయమైందన్నారు రైతు సంఘాల నాయుకులు. బంద్ నేపథ్యంలో ఎవరైనా ట్రాఫిక్‌లో చిక్కుకుంటే వారికి పండ్లు, నీరు ఇస్తామి చెప్పారు.
09:30 December 08
బంద్కు దూరంగా బ్యాంకు యూనియన్లు
రైతు సంఘాలు ఇచ్చిన భారత్ బంద్లో తాము పాల్గొనడం లేదని బ్యాంకు యూనియన్లు తెలిపాయి. ఆల్ ఇండియా బ్యాంక్ ఆఫీసర్స్ కాన్ఫెడరేషన్ (ఏఐబీఓసీ) ప్రధాన కార్యదర్శి సౌమ్య దత్తా ఈ విషయాన్ని వెల్లడించారు.
09:17 December 08
బంగాల్లో రైల్రోకో..
బంగాల్లో వామపక్షాలు రైతులకు మద్దుతుగా బంద్ పాటిస్తున్నాయి. కోల్కత్తా జోద్పుర్ రైల్వే స్టేషన్లో నాయకులు పట్టాలపై బైఠాయించారు.
09:11 December 08
బిహార్ పట్నాలో..
బిహార్ పట్నాలో బంద్ ప్రభావం స్పష్టంగా కనిపిస్తోంది. ఎలాంటి అవాంఛనీయ సంఘటనలు జరగకుండా భారీగా బలగాలను మోహరించింది రాష్ట్ర ప్రభుత్వం.
09:08 December 08
భారీ భద్రత
భారత్ బంద్ నేపథ్యంలో దిల్లీ- హరియాణా సింఘు సరిహద్దు వద్ద భారీ భద్రతను మోహరించారు.
09:00 December 08
08:25 December 08
13వ రోజుకు
బురారీలోని నిరంకారీ మైదానంలో రైతుల ఆందోళనలు 13వ రోజుకు చేరుకున్నాయి. నూతన వ్యవసాయ చట్టాలకు వ్యతిరేకంగా అందరూ బంద్లో పాల్గొనాలని పిలుపునిచ్చాయి రైతు సంఘాలు.
08:13 December 08
ఒడిశాలో రైల్రోకో
ఒడిశాలో వామపక్షాలు, కార్మిక సంఘాలు, రైతు సంఘాలు బంద్లో పాల్గొన్నాయి. భువనేశ్వర్ రైల్వే స్టేషన్లో పట్టాలపై బైఠాయించి.. నాయకులు రైల్రోకో నిర్వహించారు.
07:43 December 08
భారత్ బంద్కు మద్దతుగా మహారాష్ట్రలోని 'స్వాభిమాని శెట్కారి సంఘటన' రైతు సంఘం రైల్ రోకో నిర్వహించింది. బుల్ధానా జిల్లా మల్కాపుర్లోని రైల్వే స్టేషన్లో ట్రాక్పై ఆందోళనలు చేపట్టింది. ఓ రైలును బయల్దేరకుండా నిరసనకారులు అడ్డుకున్నారు. రంగంలోని దిగిన పోలీసులు వారిని అదుపులోకి తీసుకున్నారు.
07:19 December 08
భారత్ బంద్
నూతన వ్యవసాయ చట్టాలను ఉపసంహరించాలన్న డిమాండ్‌తో సంకల్పించిన నేటి భారత్ బంద్కు రైతు సంఘాలు సర్వ సన్నద్ధమయ్యాయి. సాగు చట్టాలపై వ్యతిరేకత సహా తమ ఐక్యతను మాత్రమే ప్రదర్శిస్తూ సామాన్యులకు ఏ విధమైన ఇబ్బంది కలగకుండా నిరసన తెలిపేందుకు కర్షకులు సిద్ధమయ్యారు. తాము తలపెట్టిన బంద్ రాజకీయ పార్టీల బంద్ వంటిది కాదని రైతుసంఘాలు ఇప్పటికే స్పష్టంచేశాయి.
రోడ్డు దిగ్బంధం వంటి నిరసనలు 3 గంటల వరకే జరుగుతాయని రైతు సంఘాలు వెల్లడించాయి. దీని ద్వారా సాధారణ పౌరులకు ఎలాంటి ఇబ్బంది ఉండదని బంద్ సమయంలో ప్రయాణాలు చేయవద్దని ప్రజలను కోరుతున్నట్లు తెలిపాయి. ఇప్పటివరకు తమ ఆందోళనలు శాంతియుతంగానే సాగాయని ఇకపైనా అదే విధంగా ఉంటాయని భారతీయ కిసాన్ యూనియన్ ప్రతినిధి రాకేశ్‌ టికైట్‌ చెప్పారు.
బంద్లో పాల్గొనాలని ఎవరినీ బలవంతం చేయకూడదని రైతు సంఘాలు సూచించాయి. అత్యవసర సేవలు, నిత్యావసర సేవలకు ఎలాంటి అడ్డంకులు సృష్టించవద్దని వివాహాలను అడ్డుకోవద్దని రైతుల సంఘాల ప్రతినిధులు సూచించారు. తమ ఆందోళనల్లో రాజకీయాలకు తావు లేదని, రాజకీయ నేతలకు తమ వేదికలపై అనుమతి లేదని రైతుసంఘాలు తేల్చిచెప్పాయి. ఆరో విడత చర్చలకు ముందు కేంద్రంపై ఒత్తిడి పెంచేలా భారత్ బంద్ విజయవంతం చేయాలని రైతుసంఘాలు కోరాయి.
తీవ్ర ప్రభావం!
భారత్ బంద్ ప్రభావం పలు రంగాలపై పడనుంది. బంద్ సమయంలో రవాణా నిలిచిపోయే అవకాశం ఉన్నందున, రవాణా రంగంపై తీవ్ర ప్రభావం ఉండనుంది. దేశరాజధాని దిల్లీలో నిత్యావసర సరుకుల రవాణాకు ఇబ్బందులు తలెత్తే అవకాశం ఉంది. అటు రైల్వేలపై కూడా బంద్ ప్రభావం ఉండే అవకాశం ఉంది. దేశవ్యాప్తంగా 16 రాష్ట్రాల్లో రైలుదిగ్బంధం వంటి కార్యక్రమాలు ఉండనున్నాయని భారతీయ రైల్వే అంచనా వేస్తోంది. ఈ మేరకు, స్టేషన్లు, రైళ్లలో శాంతిభద్రతలకు విఘాతం కలగకుండా మార్గదర్శకాలు జారీ చేసింది. వామపక్ష తీవ్రవాదులు నిరసనల్లో పాల్గొనే అవకాశం ఉందని జోనల్‌రైల్వేలను అప్రమత్తం చేసింది.
బంద్ నేపథ్యంలో జోనల్‌ రైల్వేల జనరల్‌ మేనేజర్లను అప్రమత్తంగా ఉండాలని సూచించింది. రైల్వే ప్రొటెక్షన్‌ ఫోర్స్‌, రాష్ట్రాల పోలీసులతో సమన్వయం చేసుకొని చెకింగ్‌ నిర్వహించాలని ఆదేశించింది. మరోవైపు ట్యాక్సీలు, క్యాబ్‌లు నిలిచిపోనున్నాయి. అయితే రోడ్డు దిగ్బంధం వంటి కార్యక్రమాల ద్వారా పలు చోట్ల ట్రాఫిక్‌ సమస్యలు ఉత్పన్నమయ్యే అవకాశం ఉంది. ఈ నేపథ్యంలో దిల్లీ, హరియాణా పోలీసులు ట్రాఫిక్‌ అడ్వైజరీ జారీ చేశారు.
మార్గదర్శకాలు..
భారత్ బంద్ నేపథ్యంలో అన్ని రాష్ట్రాలు, కేంద్ర పాలిత ప్రాంతాలకు కేంద్ర హోం మంత్రిత్వ శాఖ మార్గదర్శకాలు జారీ చేసింది. అవాంఛనీయ ఘటనలు జరగకుండా ముందుజాగ్రత్త చర్యలు తీసుకోవాలని సూచించింది. నిరసనలు శాంతియుతంగా జరిగేలా పటిష్ఠ బందోబస్తు ఏర్పాటు చేయాలని ఆదేశించింది. కరోనా నిబంధనలకు కూడా అమలు చేయాలని స్పష్టం చేసింది.