వాస్తవాధీన రేఖ వెంబడి భారత్- చైనా మధ్య జరిగిన ఆరో విడత కమాండర్ స్థాయి భేటీలో సానుకూల ఫలితాలు వచ్చినట్లు తెలుస్తోంది. సమావేశంలో ప్రస్తుత పరిస్థితిపై ఎలాంటి దాపరికాలు లేకుండా అభిప్రాయాలు పంచుకున్నట్లు భారత సైన్యం వెల్లడించింది. ఇరుదేశాల మధ్య కుదిరిన ఒప్పందాన్ని హృదయపూర్వకంగా అమలు చేసేందుకు ఉభయ పక్షాలు అంగీకారానికి వచ్చినట్లు స్పష్టం చేసింది.
ఈ మేరకు సోమవారం 14 గంటల పాటు జరిగిన కార్ప్స్ కమాండర్ స్థాయి భేటీలో చర్చించుకున్న అంశాలపై ఇరుదేశాల సైన్యం సంయుక్త ప్రకటన విడుదల చేశాయి. అపార్థాలు నివారించేలా భారత్, చైనా సైన్యాలు.. సమాచారాన్ని పంచుకోవాలని నిర్ణయించినట్లు ప్రకటనలో స్పష్టం చేశాయి.
ఆచరణాత్మక చర్యలు