పిల్లల్ని బడికి పంపకపోవడమే అభివృద్ధా?: ప్రియాంక

కశ్మీర్​లో కొనసాగుతున్న ఆంక్షలపై ట్విట్టర్​ ద్వారా కేంద్ర ప్రభుత్వాన్ని విమర్శించారు ప్రియాంక గాంధీ. ఆంక్షల వల్ల ఎక్కువగా చిన్నారులే నష్టపోతున్నారని ఆమె ఆవేదన వ్యక్తంచేశారు.

కశ్మీర్​లో రెండు నెలలుగా కొనసాగుతున్న ఆంక్షలపై కాంగ్రెస్​ జాతీయ ప్రధాన కార్యదర్శి ప్రియాంక గాంధీ ట్విట్టర్​ వేదికగా కేంద్రాన్ని విమర్శించారు. ఆంక్షల ప్రభావం చిన్నారులపై ఎక్కువగా ఉందని పేర్కొన్నారు. పాఠశాలలకు విద్యార్థులు వెళ్లకపోవటం వలన స్నేహితులతో సంబంధాలను తెగిపోయాయని, ఇందుకు ప్రభుత్వమే కారణమని ఆరోపించారు ప్రియాంక.

ప్రియాంక ట్వీట్​

"అభివృద్ధి కోసం విద్యార్థులను పాఠశాలలకు పంపకుండా చేసే ప్రభుత్వాన్ని ఎక్కడైనా చూశారా?"
- ప్రియాంక గాంధీ, కాంగ్రెస్​ జాతీయ ప్రధాన కార్యదర్శి ట్వీట్​.

ఈ చర్యల ద్వారా భావితరాలకు ఏం సందేశం ఇస్తున్నారని ప్రభుత్వాన్ని ప్రశ్నించారు ప్రియాంక.

ఆగస్టు 5న కేంద్ర ప్రభుత్వం జమ్ముకశ్మీర్​కు ప్రత్యేక ప్రతిపత్తి కల్పించే ఆర్టికల్​ 370ని రద్దు చేసింది. అప్పటి నుంచి కశ్మీర్​లో​ ఆంక్షలు కొనసాగుతున్నాయి.

ఇదీ చూడండి:ఇరాక్​: హింసాత్మక ఘటనల్లో 34కు చేరిన మృతులు