డ్రైవర్​ నిద్రతో ప్రమాదం... ఐదుగురు మృతి

రాజస్థాన్​ సిరోహీ జిల్లాలో జరిగిన రోడ్డు ప్రమాదంలో ఐదుగురు మృతిచెందారు. నిలిచి ఉన్న లారీలను ఢీకొట్టడం వల్ల కారు నుజ్జునుజ్జయింది. ప్రమాదానికి డ్రైవర్​ నిద్రే కారణమని తెలుస్తోంది.

రాజస్థాన్​ సిరోహీ జిల్లాలో జాతీయ రహదారిపై ఘోర ప్రమాదం జరిగింది. వేగంగా వెళుతున్న కారు.. నిలిచి ఉన్న రెండు లారీలను వెనకనుంచి ఢీకొట్టింది. ఈ ఘటనలో ముగ్గురు పిల్లలతో సహా ఐదుగురు ప్రాణాలు కోల్పోయారు. మరో ఇద్దరు తీవ్రంగా గాయపడ్డారు.

కారులోని వారంతా గుజరాత్​కు చెందినవారిగా గుర్తించారు. ప్రమాదానికి కారణం డ్రైవర్​ నిద్రపోవటమేనని తెలుస్తోంది.

ఇదీ చూడండి: దేశ​ ప్రయోజనాలకే పెద్దపీట.. ఆర్​సెప్​కు భారత్​ నో