ప్రమాదంలో నుజ్జునుజ్జయిన కారు.. నలుగురు మృతి

కారు, బస్సు ఢీకొని నలుగురు వ్యక్తులు మరణించిన ఘటన కర్ణాటక బగల్​కోట్​ జిల్లాలో జరిగింది. ఈ దుర్ఘటనలో కారులోని వారందరు అక్కడికక్కడే ప్రాణాలు కోల్పోయారు. బస్సులోని వారికి స్వల్ప గాయాలయ్యాయి. ముందు ఉన్న ట్రాక్టర్​ను బస్సు ఓవర్​టేక్​ చేసే క్రమంలో ఈ ప్రమాదం సంభవించింది.

కర్ణాటక బగల్​కోట్​ జిల్లా శిరోలా గ్రామంలో ఘోర రోడ్డు ప్రమాదం జరిగింది. కేస్​ఆర్​టీసీకి చెందిన బస్సు ఓ కారును ఢీ కొన్న ఘటనలో నలుగురు అక్కడికక్కడే మృత్యవాతపడ్డారు. బస్సులో ఉన్నవారికి స్వల్ప గాయాలయ్యాయి.

తెల్లవారు జామున జిల్లాలోని శిరోలా గ్రామంలో ఈ ప్రమాదం చోటు చేసుకుంది. మృతులు కారులో దర్వాద్​ వైపు వెళుతున్న క్రమంలో.. చెరుకు గెడలు తీసుకెళ్తున్న ట్రాక్టర్​ను ఓవర్​టేక్​ చేయబోయిన కేఎస్ఆర్​టీసీ బస్సు.. కారును ఢీకొట్టింది.

మృతులు.. తెలి (36), బాలప్ప సెందగీ (34), హనుమంత గంగార (21) రియాజ్ జాలగెరి(25)లుగా గుర్తించారు.

ఘటనాస్థలికి చేరుకున్న.. పోలీసులు క్షతగాత్రులను స్థానిక ముదోలా లిచ్​ హౌస్​ ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నట్లు వెల్లడించారు.

ఇదీ చూడండి:ఓట్ల లెక్కింపులో ఇరు వర్గాల మధ్య ఘర్షణ