గుజరాత్ ఎమ్మెల్యేలను రాజస్థాన్​కు తరలించిన కాంగ్రెస్

గుజరాత్​ నుంచి 24 మంది ఎమ్మెల్యేలను రాజస్థాన్​కు తరలించింది కాంగ్రెస్. సిరోహి జిల్లా అబూరోడ్​లో ఉన్న ఓ రిసార్టులో వారిని ఉంచింది. ఈ నెల 19న రాజ్యసభ ఎన్నికలు జరగాల్సి ఉండగా ఈ నిర్ణయం తీసుకుంది.

గుజరాత్​లోని సుమారు 24 మంది ఎమ్మెల్యేలను కాంగ్రెస్.. రాజస్థాన్​కు తరలించింది. సిరోహి జిల్లాలోని అబూరోడ్​లో ఉన్న ఓ రిసార్టులో వారిని ఉంచింది. ఈ నెల 19న నాలుగు రాజ్యసభ స్థానాలకు ఎన్నికలు జరగాల్సి ఉండగా, ముగ్గురు కాంగ్రెస్ ఎమ్మెల్యేలు ఇటీవల రాజీనామా చేయటం కలకలం సృష్టించింది.

వెంటనే అప్రమత్తమైన కాంగ్రెస్ తమ ఎమ్మెల్యేలందరినీ గుజరాత్​లోని ఆణంద్, రాజ్​కోట్​, అంబాజీల్లో ఉన్న రిసార్టులకు తరలించింది. వారిలో 21 మందిని తాజాగా రాజస్థాన్​కు పంపించింది. మరోవైపు లాక్​డౌన్​ నిబంధనలను ఉల్లంఘించిందంటూ రాజ్​కోట్​లో కాంగ్రెస్​ ఎమ్మెల్యేలు ఉన్న రిసార్టుపై పోలీసులకు ఫిర్యాదు అందింది.