భారతదేశ ప్రజల నుంచి తిరిగి ఇవ్వలేనంత పొందానని తన తండ్రి ఎప్పుడూ చెబుతుంటారని మాజీ రాష్ట్రపతి ప్రణబ్ ముఖర్జీ కొడుకు అభిజిత్ ముఖర్జీ అన్నారు. తన తండ్రి ఆరోగ్య పరిస్థితి గురించి చేసిన ట్వీట్‌లో ఆయన ఈ అంశాన్ని ప్రస్తావించారు.
"ఈ రోజుతో 96 గంటల పర్యవేక్షణ పూర్తవుతుంది. ఆయన ఆరోగ్య సూచీలన్నీ బాగున్నాయి. ఆయన చికిత్సకు స్పందిస్తున్నారు." అని తెలిపారు.
ఈ నేపథ్యంలో తండ్రి మాటల్ని గుర్తుచేసుకున్నారు అభిజిత్ ముఖర్జీ. అలానే తన తండ్రి ఎప్పుడూ యోధుడేనని, ఆయన త్వరగా కోలుకోవాలని ప్రార్థించాలని శ్రేయోభిలాషులను కోరారు. అంతకుముందు ప్రణబ్ కుమార్తె శర్మిష్ఠా ముఖర్జీ కూడా తన తండ్రి ఆరోగ్య పరిస్థితి క్లిష్టంగానే ఉన్నప్పటికీ వైద్యానికి మెల్లగా స్పందిస్తున్నారని, ఆయన గురించి వచ్చే వదంతులు నమ్మవద్దని ట్వీట్ చేశారు.