దేశ రాజధాని దిల్లీ అసెంబ్లీ ఎన్నికల నగారా మోగిన వేళ గెలుపు కోసం ప్రచారంపై దృష్టి సారించాయి పార్టీలు.ప్రజలను తమ వైపు తిప్పుకొనేందుకు వినూత్న ప్రయత్నాలు చేస్తున్నాయి.ఈ నేపథ్యంలో ఆమ్ ఆద్మీ పార్టీ(ఆప్)అధ్యక్షుడు కేజ్రీవాల్పై'లగే రహో కేజ్రీవాల్'అనే ప్రచార గీతాన్ని ఆవిష్కరించింది.
విశాల్ దద్లానీ స్వరపరచిన ఈ గీతాన్ని దిల్లీలోని ఆప్ పార్టీ కార్యాలయంలో విడుదల చేశారు.ఈ కార్యక్రమానికి ఆప్ రాజ్యసభ ఎంపీ సంజయ్ సింగ్ పాల్గొన్నారు.
"ముఖ్యమంత్రి కేజ్రీవాల్పై దిల్లీ ప్రజలకు ఉన్న అభిమానం, ఆప్ ప్రభుత్వం సాధించిన విజయాలకు ఈ ప్రచార గీతం అద్దం పడుతోంది. దిల్లీ ప్రజల కోసం గత ఐదేళ్లలో మేము విశ్రాంతి లేకుండా శ్రమించాం. కేజ్రీవాల్ అందించిన పారదర్శక పాలన పట్ల ఎంతో సంతోషంగా ఉన్నామని దిల్లీ ప్రజలు చెబుతున్నారు."