కాలువలో వ్యాన్ బోల్తాపడి ఏడుగురు చిన్నారులు గల్లంతు
ఉత్తరప్రదేశ్ లక్నోలోని నాగ్రమ్ పీఎస్ పరిధిలో విషాదం చోటుచేసుకుంది. 29 మందితో ప్రయాణిస్తున్న వాహనం స్థానిక ఇందిరా కాలువలో బోల్తాపడింది. ఈ ఘటనలో ఏడుగురు చిన్నారులు గల్లంతయ్యారు. మరో 22 మందిని రక్షించామని తెలిపారు జిల్లా మేజిస్ట్రేట్ కౌశల్ రాజ్ శర్మ.
బారాబంకీ జిల్లాలో పెళ్లి వేడుకలకు వెళ్లి వస్తుండగా ఈ ప్రమాదం జరిగింది. ఘటనపై స్పందించిన యూపీ ముఖ్యమంత్రి యోగి ఆదిత్యనాథ్ సహాయక చర్యలు ముమ్మరం చేయాలని అధికారులను ఆదేశించారు.