బంగాల్లో ఓ వృద్ధురాలు కేవలం టీ, పాన్లతోనే జీవనం సాగిస్తోంది. ఒక్కపూట తిండి లేకపోతేనే ఆకలితో విలవిల్లాడిపోతుంటారు కొందరు. అయితే నందరాణి మహంత అనే 67 ఏళ్ల వృద్ధురాలు మాత్రం ఇందుకు భిన్నం. ఆహారమే లేకుండా 30 ఏళ్లుగా టీతోనే జీవిస్తోంది.
ఆ బామ్మకు ముప్పై ఏళ్లుగా టీ, పాన్లే ఆహారం!
రోజుకు 10-12 కప్పుల టీ
దక్షిణ దినాజ్పుర్కు చెందిన మహంతకు ఓ కుమారుడు (రంజిత్ మహంత) ఉండేవాడు. అయితే.. కుటుంబ సమస్యల కారణంగా 30 ఏళ్ల క్రితమే అతడు బంగ్లాదేశ్కు తరలిపోయాడు. అప్పటి నుంచి బలూర్ఘాట్లో నివసిస్తూ.. ఇలా పాలతో కూడిన టీకు అలవాటుపడింది మహంత. ఆహారమనేదే లేకుండా.. రోజుకు 10-12 కప్పులు టీ తాగుతుంది. దీనికి తోడు పాన్ కూడా వేసుకుంటుంది. జీవనాధారం కోసం మరమరాలు, నిత్యవసర వస్తువుల వ్యాపారం చేస్తుంది. అప్పుడప్పుడూ మరమరాలను తింటుంటానని చెబుతుంది.