నిరసనకారులకు 'కారం'తో సామాన్యుడి జవాబు!

పౌరసత్వ చట్ట సవరణకు వ్యతిరేకంగా బంద్ సందర్భంగా​ మహారాష్ట్ర యావత్మల్​లో ఓ దుకాణాన్ని బలవంతంగా మూసేయించే ప్రయత్నం చేశారు నిరసనకారులు. యజమానికి కోపం వచ్చి వారిపై కారపు పొడి జల్లి బెదరగొట్టాడు. ఫలితంగా ఆ ప్రాంతమంతా కాసేపు గందరగోళంగా మారింది.

బంద్​ పేరుతో బలవంతంగా దుకాణం మూసివేయించేందుకు ప్రయత్నించినవారికి తనదైన శైలిలో జవాబు ఇచ్చాడు ఓ వ్యక్తి. కారం జల్లి, నిరసనకారుల్ని అక్కడి నుంచి వెళ్లగొట్టాడు.

ఏం జరిగింది?

సీఏఏ, ఎన్​ఆర్​సీ, ఎన్​పీఆర్​పై నిరసన తెలుపుతూ పలు సంస్థలు బుధవారం దేశవ్యాప్తబంద్​కు పిలుపునిచ్చాయి. మహారాష్ట్ర యావత్మల్​లో ఆందోళనకారులు ఓ దుకాణాన్ని బలవంతంగా మూసేయించే ప్రయత్నం చేశారు. యజమాని అందుకు ఒప్పుకోలేదు. ఫలితంగా ఇరువురి మధ్య వాగ్వివాదం జరిగింది.

అక్కడే ఉన్న పోలీసులు సర్దిచెప్పేందుకు ప్రయత్నించినప్పటికీ ఫలితం లేకపోయింది. సహనం కోల్పోయిన దుకాణం యజమాని నిరసనకారులను చెదరగొట్టేందుకు వారిపై కారం పొడి జల్లాడు. వారంతా అక్కడి నుంచి పరుగులు తీశారు.

ఇదీ చూడిండి:బ్రిడ్జ్​ మ్యాన్: పింఛన్​ డబ్బుతో నదిపై వంతెన