ఒక పోలీస్​ స్టేషన్​లో మరో పోలీస్​ స్టేషన్​

ఒక పోలీస్​ స్టేషన్​లో మరో పోలీస్​ స్టేషన్​ ఉండడం ఎప్పుడైనా చూశారా? పోనీ అలా ఉంటుంది అని తెలుసా? అరుదుగా కనిపించే అలాంటి పోలీస్​ స్టేషన్​ ఎక్కడ ఉందో తెలియాలంటే.. ఈ స్టోరీ చదవాల్సిందే.

సాధారణంగా ఒక ప్రాంతం పరిధిలో ఒక పోలీస్​ స్టేషన్​ మాత్రమే ఉంటుంది. కానీ బంగాల్​ బీర్​భూమ్​ జిల్లాలోని శాంతినికేతన్​ మాత్రం అందుకు భిన్నం. అక్కడ ఒకే పోలీస్​ స్టేషన్​​ పరిధిలో రెండు ఠాణాలను చూడవచ్చు.

శాంతినికేతన్​ పోలీస్​ స్టేషన్​ అనేది మొదట బోల్పూర్​ పోలీస్​ స్టేషన్​ కింద పనిచేసే ఔట్​పోస్టు. దీన్ని 2015లో ప్రత్యేక ఠాణాగా మార్చారు. అప్పటినుంచి ఇది వేరుగా విధులు నిర్వహిస్తోంది. కానీ ఇప్పటికీ ఇది బోల్పూర్​ పరిధిలోనే ఉంది.

అయితే ఇక్కడి పోలీసు స్టేషన్​కు లేఖ రాయాల్సి వస్తే కేవలం పిన్​కోడ్​ వేస్తే సరిపోదు. కచ్చితంగా ఆ ప్రాంతం పేరు కూడా రాయాలి. దీనిపై ఓ అధికారి మాట్లాడుతూ...రాష్ట్రంలోనే ఇలాంటి పోలీస్​ స్టేషన్​ మరొకటి ఉండదేమో అని అన్నారు.

ఈ రెండు పోలీస్ స్టేషన్ల​ పరిధిలో వేరు వేరుగా గ్రామాలు ఉన్నాయి. అయితే శాంతినికేతన్​ పోలీస్​స్టేషన్​ మాత్రం బోల్పూర్​ ఠాణా పరిధిలో ఉండడం గమనార్హం.