పదితోనే చదువు ఆపేశాడు.. ఆటోను జీపుగా మార్చాడు..!

కేరళలో ఓ వ్యక్తి ఆటోను జీపుగా మార్చేశాడు. అతను ఏ ఇంజినీరో అయ్యుంటాడులే అనుకుంటే మీరు పొరబడ్డట్లే. చదివింది పదోతరగతి. చేస్తున్న వృత్తి మెకానిక్. ఆ వ్యక్తి ఆలోచనలో నుంచి పుట్టిందే ఈ జీపు. ఇంతకీ ఆ విశేషాలేంటో తెలుసుకుందామా?

కేరళ మలప్పురానికి చెందిన సలీం సొంతంగా తయారు చేసుకున్న జీపు ఇప్పుడు అందరి దృష్టినీ ఆకర్షిస్తోంది. ఎందుకంటే అది ఒకప్పుడు ఆటో. ఆర్థిక ఇబ్బందుల కారణంగా 10వ తరగతితోనే చదుపు ఆపేశాడు సలీం. ఆ తర్వాత మెకానిక్​గా స్థిరపడ్డాడు. పని పూర్తయ్యాక రాత్రి సమయాల్లో తనకొచ్చిన ఆలోచనలతో కొత్త కొత్త ప్రయోగాలు చేసేవాడు. వాటి ఫలితంగానే ఆటోను జీపుగా మార్చాడు.

సలీంకు ఇలాంటి ఆవిష్కరణలు కొత్తేం కాదు. గతంలో బావిలోనుంచి నీటిని తోడే యంత్రాన్ని, రిమోట్​ రాకెట్​నూ రూపొందించాడు. వ్యర్థాలతో క్రికెటర్​​ బొమ్మను కూడా తయారు చేశారు.

చిన్నప్పుడు చదువుకునే సమయాల్లో సైన్స్​ పట్ల సలీంకు ఎక్కువ ఆసక్తి ఉండేది. సైన్స్​ ఎగ్జిబిషన్​ కార్యక్రమాల్లో విద్యార్థులు అతని సాయం కోరేవారు. ఇప్పటికే ఎన్నో అవార్డులు అందుకున్న సలీం తన తర్వాత ప్రయోగం ఒకరు ప్రయాణించగలిగే విమానాన్ని తయారు చేయడమేనట. అందుకు కావాల్సిన కసరత్తులు కూడా మొదలుపెట్టేశాడట.

ఇదీ చూడండి: దశాబ్దం తర్వాత 'హరియాణా' చరిత్ర పునరావృతం