23:27 March 25
దేశవ్యాప్తంగా టోల్ వసూలు తాత్కాలికంగా నిలిపివేత...
ప్రస్తుత లాక్డౌన్ పరిస్థితుల దృష్ట్యా.. దేశవ్యాప్తంగా టోల్ప్లాజాల వద్ద టోల్ వసూలును తాత్కాలికంగా నిలిపివేస్తున్నట్లు ప్రకటించింది కేంద్రం. అత్యవసర సేవలందించే విభాగాల వారికి అసౌకర్యం కలగకుండా ఉండేందుకు ఈ నిర్ణయం తీసుకున్నట్లు పేర్కొన్నారు కేంద్ర రోడ్డు, రవాాణా మంత్రి నితిన్ గడ్కరీ.
23:17 March 25
ఇటలీలో మరో 683 మంది...
ప్రపంచవ్యాప్తంగా కరోనా ధాటికి మరణించిన వారి సంఖ్య 20 వేలు దాటింది. ఇటలీలో 24 గంటల వ్యవధిలో 683 మంది మృతి చెందారు. అక్కడ మొత్తం మరణాల సంఖ్య 7,503కు చేరింది. ప్రపంచవ్యాప్తంగా ఆ సంఖ్య 20 వేల 500గా ఉంది.
23:06 March 25
పోలీసుల పనిష్మెంట్..
లాక్డౌన్ సమయంలో బయటకు వచ్చిన వ్యక్తులకు పోలీసులు చిత్రవిచిత్రాలుగా పనిష్మెంట్ ఇస్తున్నారు. కొందరిని గుంజీలు తీయిస్తుండగా, మరికొందరని మోకాళ్లపై కూర్చోబెట్టారు. కదిలితే లాఠీలతో శిక్షిస్తున్నారు.
23:05 March 25
అక్కడ మరో ముగ్గురికి..
తమిళనాడులో మరో ముగ్గురికి కరోనా సోకగా.. మొత్తం బాధితుల సంఖ్య 26కు చేరింది.
22:55 March 25
ఉల్లం'ఘనుల' కోసం డ్రోన్లు..
కరోనా నియంత్రణలో భాగంగా కర్ఫ్యూ నేపథ్యంలో.. ప్రజల కదలికలను పరిశీలించడానికి మహారాష్ట్రలోని ముంబయి పోలీసులు డ్రోన్లను ఉపయోగిస్తున్నారు.
22:54 March 25
రాజస్థాన్లో 38 మందికి వైరస్..
మరో ఇద్దరికి కరోనా సోకగా.. రాజస్థాన్లో మొత్తం కేసుల సంఖ్య 38కి చేరింది.
22:48 March 25
స్పెయిన్ ఉపప్రధానికి కూడా..
కరోనా తీవ్రంగా ఉన్న స్పెయిన్లో ఆ దేశ ఉపప్రధాని కార్మన్ కాల్వోకు కరోనా వైరస్ పాజిటివ్గా తేలింది. స్పెయిన్ ప్రభుత్వం వెల్లడించినట్లుగా రాయిటర్స్ ఉటంకించింది.
22:45 March 25
విదేశాల నుంచి భారత్కు...
గుజరాత్లో చనిపోయిన మహిళ.. ఇటీవల సౌదీ అరేబియా నుంచి వచ్చినట్లు తెలుస్తోంది. ఈ నెల 22న ఆసుపత్రిలో చేరిన ఆమెకు ఇతర ఆరోగ్య సమస్యలున్నట్లు పేర్కొన్నారు అహ్మదాబాద్ ఆసుపత్రి వైద్యులు. గుజరాత్ వైద్యారోగ్య శాఖ కూడా ఈమె మరణాన్ని ధ్రువీకరించింది. గుజరాత్లో ఇది రెండో కరోనా మరణం. మార్చి 22న సూరత్లో 67 ఏళ్ల వ్యక్తి వైరస్ సోకి మరణించారు.
22:28 March 25
గుజరాత్లో మరొకరు మృతి...
కరోనా వైరస్తో దేశంలో మరొకరు మరణించారు. గుజరాత్లో 85 ఏళ్ల ఓ వృద్ధురాలు కొవిడ్-19 వైరస్ సోకి ప్రాణాలు కోల్పోయింది.
21:37 March 25
పుతిన్తో మాట్లాడిన మోదీ
రష్యా అధ్యక్షుడు వ్లాదిమిర్ పుతిన్తో ఫోన్లో సంభాషించారు భారత ప్రధాని నరేంద్ర మోదీ. కొవిడ్-19 విస్తరిస్తున్న నేపథ్యంలో తీసుకోవాల్సిన చర్యలపై ఇరువురు చర్చించినట్లు సమాచారం. ఈ మేరకు రష్యాలోని భారత రాయబార కార్యాలయం వెల్లడించింది.
20:07 March 25
డాక్టర్ల కోసం అన్వేషణ...
కరోనాపై పోరుకు కేంద్రం మరింత సన్నద్ధమవుతోంది. రోగులకు చికిత్స అందించడానికి డాక్టర్లను అన్వేషిస్తోంది. వాలంటీర్లనూ తీసుకునేందుకు ప్రయత్నిస్తోంది.
19:42 March 25
కేరళలో మరో 9...
కేరళలో తాజాగా మరో 9కేసులు నమోదయ్యాయి. దీనితో ఆ రాష్ట్రంలో కరోనా బాధితుల సంఖ్య 112కు చేరింది. వీరిలో ఇప్పటివరకు 12మంది ఆసుపత్రి నుంచి డిశ్ఛార్జ్ అయ్యారు.
19:09 March 25
'దేశంలో 553 యాక్టివ్ కరోనా కేసులు, 10 మంది మృతి'
దేశంలో కరోనా వైరస్ కేసుల సంఖ్యపై తాజాగా వివరణ ఇచ్చింది కేంద్ర ఆరోగ్యశాఖ. దేశవ్యాప్తంగా ఇప్పటివరకు 553 యాక్టివ్ కేసులు నమోదైనట్లు తెలిపింది. మరో 42 మంది పూర్తిగా కోలుకోగా, 10 మంది మృతి చెందినట్లు స్పష్టం చేసింది. మొత్తం 606 మంది కరోనాబారిన పడ్డారని గణాంకాలు వెల్లడించింది.
ఇప్పటివరకు విమానాశ్రయాల్లో 15,24,266 మందికి స్ర్కీనింగ్ పరీక్షలు నిర్వహించినట్లు అధికారులు పేర్కొన్నారు.
18:57 March 25
కర్ణాటకలో 24 గంటల్లోనే మరో పది కరోనా కేసులు నమోదయ్యాయి. ఫలితంగా రాష్ట్ర వ్యాప్తంగా కరోనా సోకిన వారి సంఖ్య 51కి చేరింది. వీరిలో ముగ్గురు పూర్తిగా కోలుకోగా ఒకరు మృతి చెందారు.
17:44 March 25
మధ్యప్రదేశ్లో తొలి కరోనా మరణం నమోదైంది. ఈ మహమ్మారి బారినపడి ఓ మహిళ ప్రాణాలు కోల్పోయినట్లు అధికారులు వెల్లడించారు.
17:39 March 25
17:33 March 25
మహాభారత యుద్ధం 18, కరోనా 21
కరోనాపై పోరులో వారణాసి.. యావత్ దేశానికే ఆదర్శంగా నిలవాలని ప్రధానమంత్రి నరేంద్ర మోదీ ఆకాంక్షించారు. సామాజిక దూరం పాటిస్తూ.. ఇతరుల్లో స్ఫూర్తి నింపాలని కోరారు.
తన సొంత నియోజకవర్గమైన వారణాసి ప్రజలతో వీడియో కాన్ఫరెన్స్ నిర్వహించారు మోదీ. గడ్డు కాలంలో సొంత నియోజకవర్గంలో ఉండాలని.. కానీ దిల్లీలో పరిస్థితుల దృష్ట్యా కుదరలేదని వివరించారు. ఎంత తీరిక లేకుండా ఉన్నా.. వారణాసిలో పరిస్థితులను ఎప్పటికప్పుడు అధికారులను అడిగి తెలుసుకుంటున్నట్టు ప్రధాని చెప్పారు.
మహాభారత యుద్ధం 18 రోజుల పాటు సాగిందని.. కరోనా మహమ్మారిపై పోరు 21 రోజులు పడుతుందని మోదీ పేర్కొన్నారు. వాట్సాప్లో హెల్ప్డెస్క్ ఏర్పాటు చేసినట్టు మోదీ వారణాసి ప్రజలకు తెలిపారు. ఎలాంటి సందేహాలున్నా.. 9013151515 నంబర్కు వాట్సాప్ చేయాలన్నారు.
17:17 March 25
17:10 March 25
కశ్మీర్లో మరో నలుగురు కరోనా బారిన పడ్డారు. ఫలితంగా కశ్మీర్ వ్యాప్తంగా ఈ మహమ్మారి సోకిన వారి సంఖ్య 11కు చేరింది.
17:02 March 25
ఒడిశాలో వైద్య సిబ్బందికి ముందస్తుగా 4 నెలల జీతం ఇస్తున్నట్లు ప్రకటించారు ఆ రాష్ట్ర ముఖ్యమంత్రి నవీన్‌ పట్నాయక్‌
16:47 March 25
బలపరీక్షకు హాజరైన పాత్రికేయుడికి కరోనా
రాజకీయ సంక్షోభం ముగిసిందనుకుంటున్న మధ్యప్రదేశ్లో మరోమారు కలకరం చెలరేగింది. ఇటీవల ఆ రాష్ట్ర అసెంబ్లీలో జరిగిన శివరాజ్సింగ్ చౌహాన్ బలపరీక్షకు హాజరైన ఓ పాత్రికేయుడికి కరోనా పాజిటివ్గా రావడమే ఇందుకు కారణం. ఈ వార్తతో ఆ రాష్ట్ర ఎమ్మెల్యేలతో పాటు బలపరీక్షకు హాజరైన వారందరూ షాక్కు గురయ్యారు. మాజీ ముఖ్యమంత్రి కమల్నాథ్ నిర్వహించిన ప్రెస్మీట్కూ ఇతను హాజరైనట్లు తెలుస్తోంది.
ఇటీవలే లండన్ నుంచి వచ్చిన పాత్రికేయుడి కుమార్తెకు కూడా కరోనా పాజిటివ్గా రావడం గమనార్హం. అయితే అతని భార్య, కుమారుడికి మాత్రం నెగటివ్గా వచ్చింది.
16:19 March 25
చైనాను వెనక్కినెట్టిన స్పెయిన్
స్పెయిన్లో కరోనా విలయతాండవం చేస్తోంది. ఇవాళ ఈ మహమ్మారి ధాటికి స్పెయిన్లో ఏకంగా 443 మంది ప్రాణాలు కోల్పోయారు. ఫలితంగా దేశవ్యాప్తంగా మరణాల సంఖ్య 3,434కు చేరి చైనా రికార్డును దాటేసింది.
16:17 March 25
బ్రిటన్ యువరాజు అయితే నాకేంటి-కరోనా
బ్రిటన్ యువరాజు చార్లెస్కు కరోనా సోకింది. పరీక్షల అనంతరం వైద్యులు ఈ విషయం నిర్ధరించారు.
16:13 March 25
వారణాసి ప్రజలతో నేడు మోదీ టెలికాన్ఫరెన్స్
కరోనా వైరస్ వ్యాప్తి నేపథ్యంలో తన సొంత పార్లమెంట్ నియోజకవర్గమైన వారణాసి ప్రజలతో ఇవాళ ముచ్చటించనున్నారు ప్రధానమంత్ర నరేంద్రమోదీ. సాయంత్రం 5గంటలకు టెలికాన్ఫరెన్స్లో ప్రజలతో మాట్లాడుతారు.
16:10 March 25
కరోనా ఎఫెక్ట్‌.. జనాభా లెక్కల ప్రక్రియ వాయిదా
కరోనా మహమ్మారిని కట్టడి చేసేందుకు ప్రధాని నరేంద్ర మోదీ 21 రోజుల పాటు దేశవ్యాప్తంగా లాక్డౌన్ ప్రకటించిన వేళ.. తొలిదశ జనాభా లెక్కల (2021) ప్రక్రియను నిలిపివేస్తున్నట్టు కేంద్రం తెలిపింది. అలాగే, ఎన్‌పీఆర్‌ అప్‌డేషన్‌ ప్రక్రియను కూడా వాయిదా వేస్తున్నట్టు కేంద్ర హోంమంత్రిత్వశాఖ వెల్లడించింది. తదుపరి ఉత్తర్వులు జారీచేసే వరకు ఈ ప్రక్రియను వాయిదా వేస్తున్నట్టు తెలిపింది.
15:45 March 25
తమిళనాట మరో 5
కరోనా వైరస్ వ్యాప్తి దేశంలో ఎక్కడ చూసినా అంతకంతకూ పెరుగుతోంది. తాజాగా తమిళనాడులో మరో 5 కరోనా పాజిటివ్ కేసులు నమోదయ్యాయి.
15:36 March 25
12:33 March 25
కేంద్ర మంత్రివర్గ సమావేశం ఇలా..
దిల్లీ : ప్రధాని నరేంద్ర మోదీ నివాసంలో కేంద్ర మంత్రివర్గ సమావేశం కొనసాగుతోంది. కరోనా కట్టడికి తీసుకోవాల్సిన చర్యలపై ఈ సమావేశంలో మంత్రులు చర్చిస్తున్నారు. కరోనా నేపథ్యంలో సామాజిక దూరం ప్రతి ఒక్కరూ పాటించాలని చాటి చెప్పేలా ఈ భేటీలో మంత్రులు నిర్ణీత దూరంలో కూర్చోవడం విశేషం.
11:46 March 25
పాకిస్థాన్లో 1000కి చేరిన కరోనా కేసులు
పాకిస్థాన్లో కరోనా మరింత వేగంగా వ్యాపిస్తోంది. తాజాగా మరికొంతమందికి కరోనా సోకినందున.. దేశంలో మొత్తం కొవిడ్-19 బాధితుల సంఖ్య 1000కి చేరినట్లు పాక్ ప్రభుత్వం వెల్లడించింది.
11:17 March 25
బిహార్లో మరో వ్యక్తికి కరోనా..
బిహార్ రాజధాని పట్నాలో మరో వ్యక్తికి కరోనా సోకింది. ఫలితంగా ఆ రాష్ట్రంలో కొవిడ్-19 బారిన పడినవారి సంఖ్య 4కు చేరింది.
11:06 March 25
స్టోర్ ముందు సామాజిక దూరం
కరోనా వైరస్ వ్యాప్తి నేపథ్యంలో సామాజిక దూరం పాటించాలని ప్రభుత్వం పదేపదే ప్రజలకు విజ్ఞప్తి చేస్తోంది. ఈ నేపథ్యంలో గుజరాత్లో ముద్రాలోని ఓ స్టోర్ ముందు ప్రజలు ఇలా సోషల్ డిస్టన్స్ పాటిస్తూ కనిపించారు.
10:42 March 25
దేశంలో మరో ఎనిమిది మందికి కరోనా
దేశంలో కరోనా మహమ్మారి శాంతించడం లేదు. ఇప్పటికే వందలాదిమందికి సోకిన ఈ వైరస్.. తాజాగా గుజరాత్లో మరో ముగ్గురికి, మహారాష్ట్రలో మరో ఐదుగురికి సోకింది. ఫలితంగా కొవిడ్-19 బారిన పడిన వారి సంఖ్య ఆయా రాష్ట్రాల్లో వరుసగా 38, 112కు చేరింది.
10:27 March 25
కశ్మీర్లో సామాజిక దూరం ఇలా పాటిస్తున్నారు
జమ్ముకశ్మీర్లో భారత్ లాక్డౌన్ నిబంధనలను ఉల్లంఘించిన వారిపై వినూత్న చర్యలు తీసుకుంటున్నారు పోలీసులు. అనవసరంగా ఇళ్లనుంచి బయటకు వచ్చినవారిని సామాజిక దూరం పాటించేలా.. వృత్తాకార గీతలు గీసి అందులో కూర్చోబెడుతున్నారు.
నేటి నుంచి 21 రోజులపాటు దేశం మొత్తం లాక్డౌన్లో ఉంటుందని.. ఇళ్ల నుంచి ఎవరూ బయటకు రావొద్దని ప్రధాని మోదీ ఇదివరకే వివరించారు.
10:15 March 25
'నిత్యావసర సరకుల రవాణాలో ఆటంకం ఉండకూడదు'
కరోనా వైరస్ ముప్పును దృష్టిలో ఉంచుకుని సామాన్య ప్రజలకు అవసరమైన వస్తువుల సరఫరా చేయడానికి అన్ని రాష్ట్రాలు, కేంద్రపాలిత ప్రాంతాల ప్రధాన కార్యదర్శులు, డీజీపీలకు హోంమంత్రిత్వ శాఖ ముఖ్యమైన సూచనలు చేసింది.
అన్ని రాష్ట్రాలు, కేంద్రపాలిత ప్రాంతాలు తమ రాష్ట్రంలో హెల్ప్‌లైన్‌ను ఏర్పాటు చేసుకోవాలని సూచించింది. అలాగే నిత్యావసర వస్తువులకు సంబంధించి ఏదైనా సమస్య ఉంటే ఫిర్యాదు చేయాలని ప్రజలకు తెలియజేయాలని తెలిపింది. అవసరమైన వస్తువుల సరఫరాను కొనసాగించేందుకు వీలుగా జిల్లా పరిపాలనాధికారులు, పోలీసుల మధ్య సమన్వయం చేసేందుకు నోడల్ అధికారిని నియమించాలని సూచించింది.
09:40 March 25
దేశంలో 562కు కరోనా కేసులు
దేశంలో కరోనా వ్యాప్తి అంతకంతకూ పెరుగుతోంది. తాజాగా మరికొంతమందికి ఈ మహమ్మారి సోకినందున దేశంలో కరోనా బారినపడ్డవారి సంఖ్య 562కు చేరింది. ప్రస్తుతం దేశవ్యాప్తంగా 512 యాక్టివ్ కేసులున్నట్లు కేంద్ర ఆరోగ్యశాఖ వెల్లడించింది.
09:38 March 25
స్వదేశానికి చేరిన ఇరాన్లోని 277 మంది భారతీయులు
కరోనా వైరస్ నేపథ్యంలో ఇరాన్లో చిక్కుకున్న 277 మంది భారతీయులను స్వదేశానికి చేర్చింది మోహన్ ఎయిర్ విమానం. టెహ్రాన్ నుంచి బయలుదేరిన ఈ విమానం.. ఈ తెల్లవారుజామునే దిల్లీ విమానాశ్రయానికి చేరుకుంది.
06:00 March 25
ప్రపంచవ్యాప్తంగా 20 వేలు దాటిన కరోనా మరణాలు
తమిళనాడు మదురైలోని రాజాజీ ఆస్పత్రిలో కరోనా లక్షణాలతో చేరిన 55 ఏళ్ల వయస్సు వ్యక్తి మంగళవారం మృతి చెందినట్లు రాష్ట్ర ఆరోగ్య, కుటుంబ సంక్షేమ శాఖ మంత్రి డా.విజయభాస్కర్ ట్విట్టర్ ద్వారా తెలిపారు. అయితే.. అతను స్టెరాయిడ్ ఆధారిత సీఓపీడీతో దీర్ఘకాలిక అనారోగ్యంతో బాధపడుతున్నాడని వెల్లడించారు. దానికి తోడు రక్తపోటు, మధుమేహం వంటివి ఉన్నట్లు పేర్కొన్నారు. ప్రస్తుతం తమిళనాడులో 17 మంది కరోనాతో చికిత్స పొందుతున్నారని తెలిపారు.
