కర్ణాటకలో ఘోర రోడ్డు ప్రమాదం... ఏడుగురు మృతి

కర్ణాటక తమకూరు వద్ద వేగంగా వెళ్తోన్న కారు రోడ్డు డివైడర్​ను ఢీకొట్టింది. ఈ ప్రమాదంలో ఏడుగురు మరణించారు. మరో నలుగురు క్షతగాత్రులయ్యారు.

కర్ణాటక కునిగల్​ పట్టణ సమీపంలోని తమకూరులో ఘోర రోడ్డు ప్రమాదం జరిగింది. వేగంగా వెళ్తోన్న కారు రోడ్డు డివైడర్​ను ఢీ కొట్టింది. ఈ ఘటనలో ఏడుగురు మరణించగా, మరో నలుగురు తీవ్రంగా గాయపడ్డారు.

తమకూరు నుంచి యెడ్యూరు వెళ్తున్న కారు 75వ జాతీయ రహదారి వద్ద రోడ్డు డివైడర్​కు ఢీకొని పల్టీలు కొట్టింది. దీంతో కారులోని ఆరుగురు మహిళలు, ఓ వ్యక్తి మరణించారు. మరో ఏడుగురు క్షతగాత్రులయ్యారు. వీరిని హుటాహుటిన తమకూరు తాలూకా ఆసుపత్రికి తరలించారు.

ప్రమాద ఘటనతో జాతీయ రహదారిపై కిలోమీటర్ల పొడవున ట్రాఫిక్​ నిలిచిపోయింది. పోలీసులు ప్రమాద ఘటనపై దర్యాప్తు చేస్తున్నారు.

ఇదీ చూడండి: జమ్ముకశ్మీర్​ రిజర్వేషన్​ బిల్లుకు లోక్​సభ ఆమోదం