20:31 July 19
'మహా' విలయం- ఒక్కరోజులో 9,518 కేసులు
మహారాష్ట్రలో కరోనా వైరస్ ఉద్ధృతి కొనసాగుతోంది. తాజాగా రికార్డు స్థాయిలో 9,518 కేసులు బయటపడ్డాయి. మరో 258మంది మరణించారు. దీంతో మొత్తం కేసుల సంఖ్య 3,10,455కు చేరగా.. మరణాల సంఖ్య 11,858కు పెరిగింది. అయితే తాజాగా 3,906మంది వైరస్ను జయించి ఇళ్లకు చేరారు.
దేశ వాణిజ్య రాజధాని ముంబయిలో కొత్తగా 1,046కేసులు నమోదయ్యాయి. దీంతో నగరంలో ఇప్పటివరకు 1,01,224మంది వైరస్ బారినపడ్డారు. 64 తాజా మరణాలతో మొత్తం 5,711మంది వైరస్కు బలయ్యారు. ముంబయిలో ప్రస్తుతం 23,828 యాక్టివ్ కేసులున్నాయి.
కర్ణాటకలో...
కర్ణాటకలో వైరస్ విజృంభిస్తోంది. తాజాగా 4,120కేసులు నమోదు కాగా.. వీటిలో 2,156కేసులు కేవలం బెంగళూరుకే చెందినవి. ఇప్పటివరకు రాష్ట్రవ్యాప్తంగా 63,772మందికి వైరస్ సోకింది. 91 తాజా మరణాలతో మొత్తం మృతుల సంఖ్య 1,331కు చేరింది.
గుజరాత్లో...
గుజరాత్లో తాజాగా 965 కేసులు వెలుగుచూశాయి. మరో 20మంది వైరస్తో ప్రాణాలు కోల్పోయారు. రాష్ట్రవ్యాప్తంగా ఇప్పటివరకు 48,441మందికి వైరస్ సోకింది. 2,147మంది వైరస్కు బలయ్యారు.
అయితే గుజరాత్లో ప్రస్తుతం 11,412 యాక్టివ్ కేసులున్నాయి. 34,882మంది కరోనాను జయించి ఆసుపత్రుల నుంచి డిశ్ఛార్జ్ అయ్యారు.
