ఇప్పటికి భారీ లోటు వర్షపాతమే: వాతావరణ శాఖ
నైరుతి రుతుపవనాలు దాదాపు దేశమంతా విస్తరించినా 84 శాతం వాతావరణ ఉప కేంద్రాల్లో లోటు వర్షపాతం నమోదైనట్లు వాతావరణ విభాగం ప్రకటించింది.
దేశంలో 91 ప్రధాన జలాశయాల్లో సాధారణం కంటే 80 శాతం తక్కువ నీటి నిల్వలున్నట్లు కేంద్ర నీటి సంఘం (సెంట్రల్ వాటర్ కమిషన్) తెలిపింది. 11 జలాశయాల్లో సున్నా శాతానికి నీటి నిల్వలు పడిపోయినందున ఆయా ప్రాంతాల్లో నీటి సంక్షోభం మరింత తీవ్రమైందని స్పష్టం చేసింది.
మొత్తం 36 వాతావరణశాఖ ఉప కార్యాలయాల్లో 25 లోటు వర్షపాతాన్ని నమోదైందని గణించాయి. మరో 6అధిక లోటు వర్షపాతం నమోదైనట్టు... మిగిలిన 5 కార్యాలయాల్లో... ఒడిశా, లక్షద్వీప్ సాధారణ వర్షపాతం, జమ్ముకశ్మీర్, తూర్పు రాజస్థాన్ కార్యాలయాలు అధిక వర్షపాతం, అండమాన్ నికోబార్ దీవుల్లోని వాతావరణ విభాగం కార్యాలయం అతి భారీ వర్షపాతం నమోదైనట్టు తెలిపాయి.