ఎయిర్​పోర్టులో 8.5 కిలోల బంగారం పట్టివేత

తమిళనాడు తిరుచురాపల్లి విమానాశ్రయంలో ప్రయాణికులు అక్రమంగా తరలిస్తున్న బంగారాన్ని భారీ మొత్తంలో కస్టమ్స్​ అధికారులు పట్టుకున్నారు. సీజ్​ చేసిన ఆ బంగారం విలువ సుమారు రూ. 4.25 కోట్ల వరకు ఉండొచ్చని తెలిపారు.

తమిళనాడులోని తిరుచురాపల్లి విమానాశ్రయంలో ప్రయాణికుల నుంచి పెద్దమొత్తంలో బంగారాన్ని స్వాధీనం చేసుకున్నారు కస్టమ్స్​ అధికారులు. దుబాయ్​ నుంచి వచ్చిన 10 మంది ప్రయాణికుల నుంచి అక్రమంగా తరలిస్తున్న 8.5 కిలోల పుత్తడిని గుర్తించి సీజ్​ చేశారు.

ప్రయాణికులు తమ శరీరంలో దాచిపెట్టి బంగారాన్ని అక్రమంగా రవాణా చేసేందుకు యత్నించారని అధికారులు తెలిపారు. నిందితులను అదుపులోకి తీసుకొని దర్యాప్తు చేపట్టారు.