మధ్యప్రదేశ్లో తీవ్ర విషాదం చోటుచేసుకుంది. కాలీసింధ్ నదిలో మునిగి ఒకే కుటుంబానికి చెందిన 8 మంది మరణించారు. ఈ ఘటన రాజ్గఢ్ జిల్లాలోని తితారీ గ్రామంలో జరిగింది. మృతుల్లో ముగ్గురు మహిళలు, ముగ్గురు బాలికలు, ఇద్దరు బాలురు ఉన్నారు.
స్నానం చేసేందుకు వెళ్లి...
స్నానం చేసేందుకు 8 మంది తితారీలోని కాలీసింధ్ నదికి వెళ్లారు. స్నానం చేస్తుండగా ఓ బాలుడు నదిలో కొట్టుకుపోయాడు. బాలుడి అరుపులు విన్న ఓ మహిళ... అతడిని రక్షించేందుకు నది లోపలికి వెళ్లారు. వీరిద్దరిని మిగతా వారు అనుసరించారు. దీంతో వారూ మునిగిపోయారు. ఇలా ఎనిమిది మంది మృతిచెందారు.
ఈ విషయం తెలుసుకున్న వెంటనే పోలీసులు ఘటనాస్థలానికి చేరుకున్నారు. గాలింపు చర్యలు ముమ్మరం చేశారు. ఇప్పటి వరకు ఏడు మృతదేహాలను వెలికితీశారు. ఒకరి కోసం గాలిస్తున్నారు.
ఇదీ చూడండి: సీబీఎస్ఈ ఫలితం: స్మృతి గర్వం- కేజ్రీ ఆనందం