మహారాష్ట్రలో కరోనా ఉద్ధృతి తగ్గుముఖం పట్టినట్టుగా కనపడుతోంది. తాజాగా.. 14,348 వైరస్ కేసులు వెలుగుచూశాయి. దీంతో మొత్తం కేసుల సంఖ్య 11,34,555కు పెరిగింది. మరో 278మంది మరణించడం వల్ల మొత్తం మృతుల సంఖ్య 37,758కి చేరింది. తాజాగా 16,835మంది కరోనాను జయించారు.
కేరళలో కరోనా వైరస్ ఉద్ధృతి కొనసాగుతోంది. తాజాగా 7,834మందికి కరోనా సోకింది. మరో 22మంది వైరస్ ధాటికి ప్రాణాలు కోల్పోయారు. దీంతో మొత్తం కేసుల సంఖ్య 80,818కి చేరగా.. వైరస్ నుంచి కోలుకున్న వారి సంఖ్య 1,39,620కు పెరిగింది.
తమిళనాడులో వైరస్ విజృంభిస్తోంది. కొత్తగా 5,622మందికి వైరస్ నిర్ధరణ అయ్యింది. మరో 65మంది మరణించారు. మొత్తం కేసుల సంఖ్య 6,14,507కు పెరిగింది. రాష్ట్రంలో ప్రస్తుతం 46,255 యాక్టివ్ కేసులున్నాయి.
- దిల్లీలో తాజాగా 2,258 కేసులు బయటకు వచ్చాయి. 34 మరణాలు నమోదయ్యాయి. 2,87,930మంది ఇప్పటి వరకు వైరస్ బారినపడ్డారు. 5,472మంది ప్రాణాలు కోల్పోయారు.
- రాజస్థాన్లో కొత్తగా 2,150 కేసులు వెలుగుచూశాయి. 14మంది మరణించారు. దీంతో కేసుల సంఖ్య 1,41,846కి చేరింది. మృతుల సంఖ్య 1,530కి పెరిగింది.
ఇదీ చూడండి:-ప్రియుడితో కలిసి సొంత చెల్లినే హత్య చేసింది!
