ఉత్తరాఖండ్​లో ఘోర రోడ్డు ప్రమాదం.. ఏడుగురు మృతి

ఉత్తరాఖండ్​లో జరిగిన ఘోర రోడ్డు ప్రమాదంలో ఏడుగురు మరణించారు. ఇందులో ఒకే కుటుంబానికి చెందిన ఐదుగురు ప్రాణాలు కోల్పోయారు. తెహ్రీ గర్వాల్ జిల్లా నైన్​భాగ్ వద్ద ఈ ఘటన జరిగింది.

ఉత్తరఖండ్​లో ఘోర రోడ్డు ప్రమాదం జరిగింది. తెహ్రీ గర్వాల్​ జిల్లా నైన్​భాగ్​లోని ఓ వంతెన సమీపంలో కారు బోల్తాపడి ఏడుగురు మృతి చెందారు. ఇందులో ఒకే కుటుంబానికి చెందిన ఐదుగురు ప్రాణాలు కోల్పోయినట్టు పోలీసులు తెలిపారు.

ప్రమాదం జరిగిన వెంటనే ఐదుగురు చనిపోగా.. తాజాగా మరో ఇద్దరు మరణించారు. మృతుల పూర్తి వివరాల కోసం పోలీసులు విచారిస్తున్నారు. సోమవారం అర్ధరాత్రి జరిగిన ఈ ప్రమాదానికి.. అతివేగమే కారణమై ఉంటుందని భావిస్తున్నారు.

ఇదీ చూడండి : ప్రవాస భారతీయ దంపతులకు 'నోబెల్'