సముద్రంలో తేలియాడుతూ యోగా చేసిన ఔత్సాహికులు

12:58 June 21

నీటిపై తేలియాడుతూ యోగా

ప్రపంచ యోగా దినోత్సవ వేళ తమిళనాడు రామేశ్వరానికి చెందిన ఇద్దరు సాధకులు పాక్ జలసంధి వద్ద.. సముద్రంలో ఆసనాలు వేసి అబ్బురపరిచారు. నీటిపై తేలియాడుతూ ఆశ్చర్యపరిచారు.

09:58 June 21

భౌతిక దూరంతో జేపీ నడ్డా యోగా సాధన

భౌతిక దూరం నిబంధనలు పాటిస్తూ యోగా సాధన చేశారు భాజపా అధ్యక్షుడు జేపీ నడ్డా. ఆయనతో పాటు కుటుంబ సభ్యులు ఆసనాలు వేశారు.

09:58 June 21

ఆసనమేసిన లోక్​సభ స్పీకర్ ఓంబిర్లా

లోక్​సభ స్పీకర్ ఓంబిర్లా దిల్లీలోని ఆయన నివాసంలో యోగాసనాలు వేశారు. శీర్షాసనం, ప్రాణయామం చేసి యోగా ఘనతను చాటారు.

09:45 June 21

ప్రకాశ్ జావడేకర్, గిరిరాజ్​ సింగ్..

కేంద్రమంత్రులు ప్రకాశ్ జావడేకర్, ప్రహ్లాద్ పటేల్, గిరిరాజ్​ సింగ్ వారి స్వహృహాల్లో యోగా సాధన చేశారు.

09:45 June 21

ఆసనమేసిన కేజ్రీ

దిల్లీ ముఖ్యమంత్రి అరవింద్ కేజ్రీవాల్ యోగా చేశారు. దిల్లీలోని స్వగృహంలో ధ్యానముద్రలో నిమగ్నమయ్యారు. 

08:30 June 21

రాష్ట్రపతి కోవింద్ యోగా సాధన

ఆరో అంతర్జాతీయ యోగా దినోత్సవం సందర్భంగా ధ్యానంలో నిమగ్నమయ్యారు రాష్ట్రపతి రామ్​నాథ్ కోవింద్. రాష్ట్రపతి భవన్​లో యోగా సాధన చేశారు.

08:29 June 21

అశ్వాలపై యోగా సాధన

అరుణాచల్ ప్రదేశ్​లోని ఐటీబీపీ క్యాంప్​లో గుర్రాలతో యోగా చేశారు సైనికులు. గుర్రాలపై నిల్చుని చేసిన ఆసనాలు సాధన చేశారు.

08:19 June 21

యోగా దినోత్సవ వేళ.. ముఖ్యమంత్రి శీర్షాసనం

యోగా దినోత్సవ వేళ ఛత్తీస్​గఢ్ ముఖ్యమంత్రి భూపేష్ భగెల్ శీర్షాసనం వేశారు. రాయ్​పుర్​లోని స్వగృహంలో యోగా సాధన చేశారు.

08:08 June 21

కేంద్రమంత్రుల యోగాసనాలు

కేంద్రమంత్రులు ధర్మేంద్ర ప్రధాన్, ముఖ్తార్ అబ్బాస్ నఖ్వీలు వారి స్వగృహాల్లో యోగా సాధన చేశారు. కరోనా నేపథ్యంలో భౌతిక దూరం నిబంధనలు పాటిస్తూ యోగా చేశారు.

07:59 June 21

భారత్- చైనా సరిహద్దులో యోగాసనాలు

భారత్- చైనా సరిహద్దులో భద్రీనాథ్​కు సమీపంలోని వసుధార మంచుకొండ వద్ద ఐటీబీపీ దళాలు   అద్భుతరీతిలో యోగా ప్రదర్శన చేశాయి. 14వేల అడుగుల ఎత్తులో చేసిన ఈ ప్రదర్శన చూపరులను విశేషంగా ఆకర్షించింది.

07:44 June 21

18వేల అడుగుల ఎత్తులో ఆసనమేసిన ఐటీబీపీ

యోగా దినోత్సవ వేళ ఇండో-టిబెటన్ బార్డర్ పోలీస్(ఐటీబీపీ) విభాగం లద్దాక్​లో 18వేల అడుగుల ఎత్తులో ఆసనాలు వేశారు. మంచులో భద్రతా బలగాల ఆసనాలు ఆద్యంతం ఆకట్టుకునేలా ఉన్నాయి.

06:54 June 21

• అంతర్జాతీయ యోగా దినోత్సవం సందర్భంగా ప్రధాని మోదీ ప్రసంగం
• ఆన్‌లైన్ ద్వారా జాతిని ఉద్దేశించి ప్రధాని మోదీ ప్రసంగం
• కరోనా ఉద్ధృతి దృష్ట్యా సామూహిక కార్యక్రమాలకు దూరంగా ఉంటున్నాం: ప్రధాని
• ఇంట్లోనే కుటుంబసభ్యులతో కలిసి యోగా నిర్వహిస్తున్నాం: ప్రధాని

06:51 June 21

• అంతర్జాతీయ యోగా దినోత్సవం సందర్భంగా ప్రధాని మోదీ ప్రసంగం
• ఆన్‌లైన్ ద్వారా జాతిని ఉద్దేశించి ప్రధాని మోదీ ప్రసంగం
• కరోనా ఉద్ధృతి దృష్ట్యా సామూహిక కార్యక్రమాలకు దూరంగా ఉంటున్నాం: ప్రధాని
• ఇళ్లలోనే ఉంటూ కుటుంబసభ్యులతో కలిసి యోగా నిర్వహిస్తున్నాం: ప్రధాని
• యావత్ ప్రపంచం యోగాను గుర్తించింది: ప్రధాని
• రోగ నిరోధక శక్తిని పెంచుకునేందుకు యోగాలో ఆసనాలున్నాయి: ప్రధాని
• ఇందులో ప్రాణాయామం అనే వ్యాయామం దోహదపడుతుంది: ప్రధాని
• ప్రాణాయామం రోజువారీ జీవన విధానంలో భాగం చేసుకోవాలి: ప్రధాని
• అనేక రకాల ప్రాణాయామాలు అలవర్చుకోవాల్సిన అవసరం ఉంది: ప్రధాని
• రోగాలను దీటుగా ఎదుర్కొనేందుకు యోగా దోహదపడుతుంది: ప్రధాని
• యోగా ద్వారా అనేక ఇబ్బందులను అధిగమించగల్గుతాం: ప్రధాని
• యోగా ద్వారా శాంతి, సహనశక్తి పెంపొందుతాయి: ప్రధాని
• యోగా ద్వారా మనోధైర్యం, ఉల్లాసం పెంపొందుతాయి: ప్రధాని

06:38 June 21

యోగాతో మనిషికి, ప్రకృతికి మధ్య సాన్నిహిత్యం

మానవ జీవన విధానంలో యోగా కీలక పాత్ర పోషిస్తుందన్నారు హోంమంత్రి అమిత్​షా. యోగా ద్వారా శరీరానికి- మనస్సుకు, ఆలోచనలు- క్రియలకు, మనిషికి- ప్రకృతికి మధ్య సాన్నిహిత్యం ఏర్పడుతుందని చెప్పారు. మోదీ చేసిన కృషితోనే యోగాకు ప్రపంచదేశాల అంగీకారం లభించిందన్నారు. భారత సంస్కృతి ప్రపంచానికి ఇచ్చిన గొప్ప బహుమతి యోగా అని పేర్కొన్నారు.   

06:15 June 21

'శాంతి, శ్రేయస్కర జీవన సూత్రాలకు యోగా ద్వారా ప్రచారం'

శాంతి, శ్రేయస్కర జీవన సూత్రాలకు యోగా ప్రచారం కల్పిస్తుందని ప్రకటించింది ఐరాస. ప్రపంచం అత్యంత సమస్యలను ఎదుర్కొంటున్న వేళ దేశాల మధ్య సంబంధానికి యోగా ఎంతో ఉపకరిస్తుందని స్పష్టం చేసింది. 

05:51 June 21

కరోనా వారియర్స్​కు కృతజ్ఞతగా.. 108 సూర్య నమస్కారాలు

అంతర్జాతీయ యోగా దినోత్సవం సందర్భంగా గుజరాత్​ వడోదర లోని యోగా నికేతన్​.. వర్చవల్​గా యోగా​ కార్యక్రమాన్ని నిర్వహిస్తోంది. ఈ సందర్భంగా 15 దేశాలకు చెందిన పలువురు పాల్గొని కొవిడ్​-19పై ముందుడి పోరాటం చేస్తోన్న వారికి కృతజ్ఞతగా 108 సూర్య నమస్కారాలు చేశారు. 

05:46 June 21

హరిద్వార్​లో బాబా రాందేవ్ 'యోగా'సనాలు​

అంతర్జాతీయ యోగా దినోత్సవాన్ని పురస్కరించుకుని ఉత్తరాఖండ్​ హరిద్వార్​లో పతాంజలి యోగ్​పీత్​ ఆధ్వర్యంలో ప్రత్యేక కార్యక్రమం నిర్వహిస్తున్నారు. యోగ్​పీత్​ వేదికపై బాబా రాందేవ్​ యోగాసనాలు వేశారు. కరోనా నేపథ్యంలో చాలా తక్కవ సంఖ్యలో, భౌతిక ధూరం పాటిస్తూ పలువురు యోగా కార్యక్రమంలో పాల్గొన్నారు.  

05:30 June 21

యోగా డే: ఈసారి సందడంతా నెట్టింట్లోనే!

కరోనా కేసుల సంఖ్య రోజురోజుకు రికార్డు స్థాయిలో పెరుగుతున్న నేపథ్యంలో ఈ సారి అంతర్జాతీయ యోగా డే వేడుకలను పూర్తిగా డిజిటల్​ ప్లాట్​ఫాంలలోనే నిర్వహించాలని కేంద్రం నిర్ణయించింది. 2015 జూన్​ 21 నుంచి ఏటా ఘనంగా నిర్వహిస్తున్న యోగా దినోత్సవాన్ని ఈసారి ఇంట్లో కుటుంబ సభ్యులతోనే జరుపుకోవాలని ఇప్పటికే స్పష్టం చేసింది ఆయూష్​ మంత్రిత్వ శాఖ. ఆదివారం ఉదయం 7 గంటలకు ప్రారంభమయ్యే 'యోగా ఎట్ హోం అండ్ యోగా విత్​ ఫ్యామిలీ' వేడుకల్లో అందరూ భాగస్వాములు కావాలని పిలుపునిచ్చింది.

యోగా డే సందర్భంగా ప్రధాని నరేంద్ర మోదీ ప్రసంగం హైలైట్​ కానుంది. ఇంట్లోనే వేడుకలు జరుపుకోవాలని ఆయన ఇప్పటికే సందేశమిచ్చారు.

యోగా డే ముఖ్యాంశాలు..

• ప్రధాని మోదీ ఆదివారం ఉదయం 6:30 గంటలకు ప్రసంగిస్తారు.
• ప్రసంగం అనంతరం 45 నిమిషాల పాటు యోగా సాధన కార్యక్రమంలో పాల్గొంటారు.
• 2015 నుంచి ఏటా జూన్​ 21న ప్రపంచవ్యాప్తంగా యోగా దినోత్సవాన్ని జరుపుకుంటున్నారు.
• లేహ్​లో ఈసారి ఘనంగా వేడుకలు నిర్వహించాలని కేంద్రం భావించినప్పటికీ కరోనా కారణంగా రద్దయింది.
• విదేశాల్లోని భారతీయ సంఘాలు యోగా డేను డిజిటల్, ఎలక్ట్రానిక్​ మీడియా వేదికగా జరుపుకునేందుకు ఏర్పాట్లు చేస్తున్నాయి.
• 2014 డిసెంబరు 11న యోగా డేను అధికారికంగా ప్రకటించింది ఐక్యరాజ్యసమితి జనరల్​ అసెంబ్లీ. మోదీ ప్రతిపాదన మేరకు ఈ నిర్ణయం తీసుకుంది

యోగాపై అవగాహన పెంచేందుకు పోటీలు..

శారీరకంగా, మానసికంగా ఆరోగ్యంగా ఉండేందుకు దోహదపడే యోగాపై అవగాహన పెంచేందుకు 'మై లైఫ్​- మై యోగా' వీడియో బ్లాగింగ్ పోటీలను మోదీ చేతుల మీదుగా మే 31న ప్రారంభించింది భారత సాంస్కృతిక సంబంధాల సమాఖ్య. ప్రస్తుత పరిస్థితుల్లో కరోనాపై పోరాడేందుకు అవసరమైన రోగ నిరోధక శక్తిని యోగా ద్వారా పెంచుకోవచ్చని తెలిపింది.

ఈ పోటీలను భారత్​లో, అంతర్జాతీయంగా నిర్వహిస్తున్నారు. ఒక్కో దేశంలో నిర్వహించిన పోటీ నుంచి ఒక్కో విజేతను ఎంపిక చేస్తారు. వారంతా అంతర్జాతీయ స్థాయి పోటీలో పాల్గొనాలి.

3 నిమిషాలు 3 ఆసనాలు

పోటీలో పాల్గొనేవారు 3 యోగాసనాలతో 3 నిమిషాల నిడివి గల వీడియోను సామాజిక మాధ్యమాల్లో షేర్ చేయాలి. #MyLifeMyYogaINDIA హ్యాష్​ట్యాగ్ జత చేయాలి. యోగా ద్వారా తమ జీవితంలో వచ్చిన మార్పుపై సందేశమివ్వాలి.

యువత, పెద్దలు, యోగా వృత్తిలో ఉన్నవారికి మూడు విభాగాల్లో ఈ పోటీలు నిర్వహిస్తున్నారు. అంతర్జాతీయ స్థాయిలో గెలుపొందిన మొదటి ముగ్గురు విజేతలకు 2500డాలర్లు, 1500డాలర్లు, 1000డాలర్లతో పాటు ట్రోఫీని బహుమతిగా ఇస్తారు.

భారత్​లో మొత్తం ఆరు విభాగాల్లో యోగా పోటీలను నిర్వహిస్తున్నారు. ప్రతి విభాగంలో ప్రథమ, ద్వితీయ, తృతీయ బహుమతిగా రూ.లక్ష, రూ.50వేలు, రూ.25వేలు అందజేస్తారు . ఆదివారంతో పోటీదారులకు ఇచ్చిన గడువు ముగుస్తుంది. విజేతల పేర్లను జ్యూరీ ప్రకటిస్తుంది.