కళ్లకు గంతలతో ఆరేళ్ల బుడతడి 16 కి.మీ స్కేటింగ్​

గిన్నిస్​ రికార్డ్​ కోసం వినూత్న ప్రయత్నాలు చేస్తుంటారు చాలామంది. అయితే తానూ ఎలాగైనా ఆ ఫీట్​ సాధించాలన్న తపనతో ఆరేళ్ల బాలుడు.. కళ్లకు గంతలతో 16 కిలోమీటర్లు స్కేటింగ్​ చేశాడు.

గిన్నిస్​ రికార్డులో చోటు కోసం అద్భుతం చేశాడు పంజాబ్​కు చెందిన ఆరేళ్ల బుడతడు. కళ్లకు గంతలు కట్టుకొని 16 కిలోమీటర్లు స్కేటింగ్​ చేశాడు. ప్రణవ్​ చౌహాన్​ చేసిన ఈ సాహసానికి లుధియానాలోని లేయర్​ వ్యాలీ స్కేటింగ్​ స్టేడియం వేదికైంది.

ఈ ఫీట్​ను సాధించడానికి గంటా 16 నిమిషాల సమయం తీసుకున్నాడు ప్రణవ్​. అయితే ఆ బాలుడి ప్రయత్నాన్ని గిన్నిస్​ అధికారులు ఇంకా ధ్రువీకరించాల్సి ఉంది.

ఇప్పటివరకు ఈ విభాగంలో 14 కిలోమీటర్లు మాత్రమే స్కేటింగ్​ రికార్డ్​గా ఉండగా.. ప్రణవ్​ దాన్ని తిరగరాశాడని అతడి తండ్రి సురిందర్​ కుమార్​ తెలిపారు. ఈ వివరాలను గిన్నిస్​ అధికారులకు పంపుతామని ఆయన అన్నారు. ఈ రికార్డు కోసం మూడున్నరేళ్ల నుంచి సాధన చేస్తున్నాడని పేర్కొన్నారు సురిందర్​.

ఇదీ చదవండి:మూడేళ్ల చిన్నారిపై అత్యాచారం- ఆపై గొంతు కోసి..