స్వరాష్ట్రం వచ్చిన 560 మంది వలస కూలీలకు కరోనా

వలస కూలీలకు కరోనా వైరస్​ శాపంగా మారింది. బిహార్​లోని 560మంది వలస కార్మికులకు కరోనా పాజిటివ్​గా తేలింది. రాష్ట్రానికి మొత్తం 10వేల 385మంది వలస కూలీలు తిరిగి రాగా... ఇంకా 2,746 పరీక్షల ఫలితాలు రాలేదని పేర్కొంది ప్రభుత్వం.

బిహార్​కు వేర్వేరు రాష్ట్రాల నుంచి తిరిగి వచ్చిన 10వేల 385మంది వలస కార్మికుల్లో 560మంది కరోనా వైరస్​ బారినపడ్డారు. మే 16 వరకు నమోదైన ఈ గణాంకాల్ని ఆ రాష్ట్ర ఆరోగ్యశాఖ వెల్లడించింది.

ఈ 560మందిలో 172మంది దిల్లీ నుంచి వచ్చినట్టు వివరించింది. మరో 123 మంది మహారాష్ట్ర, 26మంది బంగాల్​ నుంచి బిహార్​కు వచ్చినట్టు స్పష్టం చేసింది. మరో 2,746మంది పరీక్షల ఫలితాలు ఇంకా రాలేదని వెల్లడించింది.

రాష్ట్రానికి చేరుకుంటున్న వలస కూలీలను క్వారంటైన్​ కేంద్రాలకు తరలిస్తున్నట్టు బిహార్​ ఆరోగ్యశాఖ పేర్కొంది. నిత్యం అప్రమత్తంగా ఉండి వైరస్​ కట్టడికి శ్రమిస్తున్నట్టు తెలిపింది.

ఇదీ చూడండి:-వలస కూలీల ఆగ్రహం- ఉత్తర భారతంలో ఉద్రిక్తత