అదుపుతప్పి కాలువలో పడ్డ కారు.. ఐదుగురు మృతి

ఝార్ఖండ్​లో ఓ కారు అదుపుతప్పి కాలువలో పడిపోయింది. ఈ ప్రమాదంలో రెండేళ్ల చిన్నారి, ఓ మహిళ సహా ఐదుగురు అక్కడికక్కడే ప్రాణాలు కోల్పోయారు.

ఝార్ఖండ్​లో ఘోర రోడ్డు ప్రమాదం జరిగింది. ఐదుగురు ప్రయాణికులతో వెళ్తున్న ఓ కారు ధన్​బాద్​ జిల్లా గోవింద్​పుర్​ బర్వా ప్రాంతంలోని ఖుడియా వంతెన వద్ద అదుపు తప్పి కాలువలో పడిపోయింది. ఈ ఘటనలో ప్రయాణికులందరూ అక్కడికక్కడే ప్రాణాలు కోల్పోయారు. మృతుల్లో ఓ మహిళ, రెండేళ్ల చిన్నారితో పాటు ముగ్గురు యువకులు ఉన్నారు.

ఈ ఉదయమే ప్రమాదం జరిగినట్లు పోలీసులు తెలిపారు. కాలువలో పడి ఉన్న మృతదేహాలతో పాటు కారును బయటకు తీసి.. ప్రమాదానికి గల కారణాలపై దర్యాప్తు చేపట్టారు.