తమిళనాడులో విషాదం చోటుచేసుకుంది. విరుదునగర్ జిల్లా ఎరిచ్చనత్తం ప్రాంతంలోని బాణసంచా కర్మాగారంలో పేలుడు సంభవించింది. ఈ ఘటనలో ఐదుగురు మహిళలు మృతి చెందారు. మరో ముగ్గురికి తీవ్ర గాయాలయ్యాయి.
రాజ్యలక్ష్మీ బాణసంచా కర్మాగారంలో శుక్రవారం మధ్యాహ్నం ఈ పేలుడు సంభవించినట్లు పోలీసులు తెలిపారు. దీపావళి పండుగ సమీపిస్తున్న వేళ వివిధ రకాల బాణాసంచా తయారీలో దాదాపు 50 మంది కార్మికులు నిమగ్నమై ఉండగా ఈ దుర్ఘటన జరిగిందని చెప్పారు. బాణసంచా తయారీకి ఉపయోగించే పదార్థాల్లో రసాయనిక చర్యే ఇందుకు కారణంగా ప్రాథమిక విచారణలో తేలినట్లు చెప్పారు.