ఒడిశాలో వ్యాన్ బోల్తా- 10 మంది మృతి

ఒడిశాలోని కోరాపుట్ జిల్లాలో పికప్ వ్యాన్ బోల్తా పడింది. ఈ ఘటనలో 10 మంది మృతిచెందారు. వీరంతా ఛత్తీస్​గఢ్​కు చెందినవారని అధికారులు తెలిపారు.

ఒడిశాలో ఘోర రోడ్డు ప్రమాదం జరిగింది. ఓ పికప్ వ్యాన్ బోల్తా పడటం వల్ల 10 మంది మరణించారు. మరో 15 మందికిపైగా తీవ్రంగా గాయాలయ్యాయి. మృతులంతా ఛత్తీస్​గఢ్​కు చెందినవారేనని అధికారులు తెలిపారు.

కోరాపుట్​ జిల్లాలోని కోత్​పడ్ పోలీస్ స్టేషన్ పరిధిలో ఆదివారం రాత్రి ఈ ప్రమాదం జరిగింది. ఓ సంతాప కార్యక్రమానికి వెళ్లి తిరిగివస్తుండగా వ్యాన్ బోల్తా పడినట్లు ప్రత్యక్ష సాక్షులు వెల్లడించారు.

ప్రధాని మోదీ విచారం..

ఒడిశా రోడ్డు ప్రమాదంపై ప్రధానమంత్రి నరేంద్ర మోదీ విచారం వ్యక్తం చేశారు. మృతుల కుటుంబాలకు సంతాపం ప్రకటించారు. గాయపడినవారు త్వరగా కోలుకోవాలని ఆకాంక్షించారు.