అయోధ్య: ప్రత్యామ్నాయ భూమికి యోగి కేబినెట్​ ఆమోదం

సున్నీ వక్ఫ్​ బోర్డుకు ప్రత్యామ్నాయ భూమిని ఇచ్చే ప్రతిపాదనకు ఉత్తర్​ప్రదేశ్​ కేబినెట్​ ఆమోదం తెలిపింది. అయోధ్యకు 18 కిలోమీటర్ల దూరంలో ఉన్న ధన్నీపుర్​ అనే గ్రామంలో ఐదెకరాల భూమిని బోర్డుకు కేటాయించింది.

అయోధ్య వివాదంలో సుప్రీంకోర్టు ఆదేశాల మేరకు సున్నీ వక్ఫ్​ బోర్డుకు ప్రత్యామ్నాయ భూమిని ఇచ్చేందుకు ఉత్తర్​ప్రదేశ్​ ప్రభుత్వం అంగీకరించింది. అయోధ్యలోని ధన్నీపుర్​లో లఖ్​నవూ జాతీయ రహదారికి సమీపాన ఐదెకరాల భూమిని ఇవ్వాలని నిర్ణయించింది.

ఈ ప్రతిపాదనకు ఉత్తర్​ప్రదేశ్​ సీఎం యోగి ఆదిత్యనాథ్​ నేతృత్వంలోని రాష్ట్ర కేబినెట్​ ఆమోదం తెలిపింది.

మూడింటిలో ఒకటి..

మొదట కేంద్రానికి 3 ప్రాంతాలను ఎంపిక చేసి పంపింది యూపీ ప్రభుత్వం. వీటిని పరిశీలించి అయోధ్య నుంచి 18 కిలోమీటర్ల దూరంలో ఉన్న ధన్నీపుర్​లోని భూమికి కేంద్రం ఆమోదం తెలిపింది. రవాణా వ్యవస్థతో పాటు భద్రత పరంగా అనువైన ప్రదేశం కావటం వల్ల కేంద్రం ధన్నీపుర్​ వైపు మొగ్గు చూపింది కేంద్రం.