కశ్మీర్​లో భూకంపం.. రెండు గంటల్లో నాలుగుసార్లు

జమ్ముకశ్మీర్​లో సోమవారం రాత్రి రెండు గంటల వ్యవధిలో నాలుగుసార్లు భూప్రకంపనలు ఏర్పడ్డాయి. రిక్టర్​ స్కేల్​​పై 4.7-5.5 మధ్య తీవ్రత నమోదైంది. అయితే  ఈ ఘటనలో ఎవరికీ ఎటువంటి నష్టం జరగలేదు.

జమ్ముకశ్మీర్​లో సోమవారం రాత్రి భూప్రకంపనలు సంభవించాయి. రెండు గంటల వ్యవధిలో నాలుగు స్వల్ప భూకంపాలు ఏర్పడ్డాయని నేషనల్​ సెంటర్​ ఫర్​ సిస్మోలజీ తెలిపింది. రిక్టర్​ స్కేల్​పై 4.7-5.5 మధ్య తీవ్రతలు నమోదైనట్టు పేర్కొంది.

రాత్రి 10 గంటల 42 నిమిషాలకు 4.7 తీవ్రతతో తొలి భూకంపం సంభవించింది. అనంతరం 5.5 తీవ్రతతో రెండోసారి భూమి కంపించింది. వీటి మధ్య 6 నిమిషాల వ్యవధి మాత్రమే ఉంది.

రాత్రి 10 గంటల 58 నిమిషాలకు మూడో భూకంపం(4.6 తీవ్రత) ఏర్పడింది. 11 గంటల 20 నిమిషాలకు నాలుగోసారి భూ ప్రకంపనలు చోటుచేసుకున్నాయి.

ఈ ఘటనలో ప్రాణ, ఆస్తి నష్టం జరగలేదని అధికారులు స్పష్టం చేశారు.

అండమాన్​ దీవుల్లో కూడా సోమవారం రాత్రి భూకంపం సంభవించింది. రిక్టర్​ స్కేల్​పై తీవ్రత 5గా నమోదైంది.

ఇదీ చూడండి:- 148 రోజులుగా నిర్బంధంలో ఉన్న కశ్మీరీ నేతలు విడుదల