దేశంలో కల్లోలం సృష్టిస్తోన్న కరోనా.. దిల్లీలో విరుచుకుపడుతోంది. శనివారం మరో 186 మందికి వైరస్ సోకగా.. మొత్తం కేసుల సంఖ్య 1893కు చేరింది. నిన్న మరొకరు మృతిచెందగా.. ఇప్పటివరకు మొత్తం 43 మంది ప్రాణాలు విడిచారు.
ఆ 31 మందికి...
ఉత్తర దిల్లీ జహంగీర్పురీలో నివసిస్తున్న ఓ కుటుంబంలోని 31 మందికి కరోనా సోకింది. ఈ వార్త స్థానికుల్లో తీవ్ర భయాందోళనలకు కారణమైంది. వీరంతా ప్రస్తుతం నరేలాలోని సెల్ఫ్ ఐసోలేషన్ కేంద్రంలో ఉన్నట్లు అధికారులు తెలిపారు. ఒక మహిళ నుంచే వీరందిరికీ కరోనా సోకినట్లు వెల్లడించారు. అయితే.. వీరెవరికీ వైరస్ లక్షణాలు బయటపడలేదని పేర్కొనడం గమనార్హం.