అయోధ్య రామాలయం కోసం 2,100 కిలోల గంట

అయోధ్య రామాలయం.. కోట్లాది మంది స్వప్నం. అంతటి కీలకమైన మందిరంలో ప్రతిదీ ఘనంగానే ఉండాలి. అందుకే ఏకంగా 2,100 కిలోలు బరువైన గంటను తయారు చేయిస్తోంది 'రామ్​లల్లా'.

అయోధ్యలో రామ మందిర నిర్మాణానికి పనులు వేగంగా జరుగుతున్నాయి. సుప్రీంకోర్టు ఆదేశాల మేరకు కేంద్రప్రభుత్వం అయోధ్య ట్రస్టు ఏర్పాటు చేసి, నిర్మాణ పనులు అధికారికంగా ప్రారంభించాల్సి ఉన్నప్పటికీ... వేర్వేరు సంస్థలు తమ వంతు సాయంగా ఈ మహాక్రతువులో భాగం అవుతున్నాయి. కర్​సేవక్​పురంలో ఇప్పటికే స్తంభాలు, శిల్పాలు చెక్కే పని జోరుగా సాగుతుండగా... ఆలయానికి అవసరమయ్యే ప్రత్యేక గంటను ఎటా జిల్లా జలేసర్​లో తయారుచేయిస్తోంది 'రామ్​లల్లా'.

వేర్వేరు లోహాలు ఉపయోగించి 2 వేల 100 కిలోలు బరువైన గంటను తయారు చేస్తున్నారు. ఇందుకోసం 2 నెలలుగా అనేక మంది కార్మికులు శ్రమిస్తున్నారు. వీరిలో కొందరు ముస్లింలూ ఉండడం విశేషం.

"ఈ గంట బరువు సుమారు 2100 కిలోలు. ఇది పూర్తవడానికి 2,3 నెలలు పడుతుంది. రూ. 12-15 లక్షల వ్యయంతో దీనిని రూపొందిస్తున్నాం. ఈ గంట తయారు చేయమని గతంలో కాశీ నుంచి ఆర్డర్​ వచ్చింది. సుప్రీం తీర్పు తర్వాత పనుల్లో వేగం పెంచాం."

-వికాస్ మిత్తల్, గంట తయారీదారుడు

ఇదీ చూడండి : 'శబరిమల' కేసు విస్తృత ధర్మాసనానికి బదిలీ