భారత నౌకా దళంలో కరోనా కలకలం రేపింది. 26 మంది సిబ్బందికి వైరస్ సోకినట్లు తేలింది. వీరు ముంబయిలోని పశ్చిమ నావల్ కమాండ్లో విధులు నిర్వహిస్తున్నట్లు అధికారులు వెల్లడించారు.
"ముంబయి నావిక దళంలోని మొత్తం 26 మంది సభ్యులకు కరోనా పరీక్షలు నిర్వహించగా వారికి పాజిటివ్గా నిర్ధరణ అయ్యింది. వీరిలో 25 మంది ఐఎన్ఎస్ అంగ్రేకి చెందిన వారు."
-భారత నౌకా దళం ప్రకటన.
ముంబయిలోని నౌకా దళానికి చెందిన ఆసుపత్రిలో బాధితులకు చికిత్స అందిస్తున్నారు.
కుటుంబసభ్యులకూ...
బాధితుల్లో 25 మంది ఐఎన్ఎస్ బ్లాక్లో, మరొకరు తన తల్లితో కలిసి సొంత ఇంటిలో నివసిస్తున్నారు. సొంత ఇంటిలో ఉంటున్న వ్యక్తి తల్లికి పరీక్షలు నిర్వహించగా వైరస్ సోకినట్లు తేలింది. ఈ తరుణంలో వారు నివసించే ప్రాంతాన్ని 'కంటైన్మెంట్ జోన్'గా ప్రకటించారు. అక్కడ ఉండే ప్రతి ఒక్కరిని నిర్బంధ కేంద్రానికి తరలించారు.