యూపీలో ఘోర రోడ్డు ప్రమాదం.. 10 మంది సజీవదహనం

ఉత్తరప్రదేశ్​లో ఘోర రోడ్డు ప్రమాదం జరిగింది. కన్నౌజ్​లో ప్రయాణికులతో వెళ్తున్న ఓ ప్రైవేట్ ట్రావెల్ బస్సు.. ట్రక్కుని ఢీకొని పెద్ద ఎత్తున మంటలు చెలరేగాయి. ఈ ఘటనలో 10 మంది సజీవదహనమయ్యారు. ఈ ప్రమాదంపై దిగ్భ్రాంతి వ్యక్తం చేసిన ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ మృతుల కుటుంబాలకు తలో రూ.2 లక్షలు పరిహారం ప్రకటించారు. క్షతగాత్రులకు రూ.50 వేలు ఇవ్వనున్నట్లు తెలిపారు.

ఉత్తరప్రదేశ్‌లోని కన్నౌజ్‌లో జరిగిన ఘోర రోడ్డు ప్రమాదంలో 10 మంది ప్రయాణికులు సజీవ దహనమయ్యారు. ప్రయాణికులతో వెళ్తున్న ప్రైవేటు బస్సు, ట్రక్కు ఢీ కొనడం వల్ల పెద్ద ఎత్తున మంటలు చెలరేగి ఈ ప్రమాదం జరిగింది. ప్రమాద సమయంలో బస్సులో 45 మంది ప్రయాణికులు ఉన్నారని అధికారులు తెలిపారు.

బస్సులో మంటలు చెలరేగగానే వీరిలో అనేక మంది బయటకు దూకి ప్రాణాలు రక్షించుకున్నారు. ఈ ఘటనలో మరో 21 మంది గాయపడ్డారు.

మోదీ దిగ్భ్రాంతి..

ఉత్తర్​ప్రదేశ్​ బస్సు ప్రమాదంపై ప్రధాని మోదీ దిగ్భ్రాంతి వ్యక్తం చేశారు. బాధిత కుటుంబాలకు ప్రగాఢ సానుభూతి తెలిపారు. క్షతగాత్రులు త్వరగా కోలుకోవాలని ఆకాంక్షించారు.

పరిహారం ప్రకటన

ఈ ప్రమాదంపై ఉత్తర ప్రదేశ్‌ ముఖ్యమంత్రి యోగి ఆదిత్యనాథ్‌ దిగ్భ్రాంతి వ్యక్తం చేశారు. మృతుల కుటుంబాలకు తరో రూ.2 లక్షల పరిహారం ప్రకటించారు. క్షతగాత్రులకు రూ.50 వేలు ఇవ్వనున్నట్లు తెలిపారు.

ఇదీ చూడండి:కారు నుంచి రోడ్డుపై పడిన చిన్నారి..తప్పిన ప్రమాదం