కరోనాపై ప్రజల్లో అపోహలు, అనుమానాలు ఎక్కువవుతున్నాయి. బంగాల్లో అలాంటి అనుమానమే పోలీసులపై స్థానికులు దాడి చేసేలా చేసింది. కరోనాతో మరణించిన వ్యక్తి మృతదేహాన్ని రహస్యంగా ఖననం చేస్తున్నారనే ఆరోపణతో ఆలిపురుద్వార్ జిల్లాలో పోలీసులతో ఘర్షణకు దిగారు స్థానికులు. ఈ ఘటనలో 20 మంది పోలీసులు గాయపడ్డారు.
ఏం జరిగిందంటే?
బంగాల్ ఆలిపురుద్వార్ జిల్లాలో ఓ మృతదేహాన్ని పోలీసులు రహస్యంగా ఖననం చేస్తున్నారని స్థానికులు ఆరోపించారు. సల్కుమార్హాట్ ప్రాంతంలోని తీస్తా నది తీరాన పోలీసులతో ఘర్ణణకు దిగారు. పోలీసుల వాహనాలను ధ్వంసం చేశారు. ఈ దాడిలో 20 మంది పోలీసులకు గాయాలైనట్లు అధికారులు తెలిపారు.
అయితే కరోనాతో మృతి చెందిన వ్యక్తి మృతదేహాన్ని అర్ధరాత్రి సమయంలో రహస్యంగా పూడ్చేందుకు పోలీసు బృందం వచ్చిందని.. వారిని అడ్డుకునేందుకు ప్రయత్నించామని స్థానికులు చెప్పారు. ఆ సమయంలో పోలీసులు తమపై కాల్పులు జరిపారని ఓ యువకుడు గాయపడ్డాడని వెల్లడించారు.
ఇదీ చదవండి:ఫేస్బుక్ నుంచి త్వరలో ఉచిత గేమింగ్ యాప్!
