పాక్ దుశ్చర్యకు మరో ఇద్దరు భారత జవాన్లు బలి

పాకిస్థాన్​ సైన్యం మరోసారి వక్రబుద్ధిని ప్రదర్శించింది. జమ్ముకశ్మీర్ ​నౌగామ్​ సెక్టార్​లోని నియంత్రణ రేఖ వద్ద దాడులకు తెగబడి ఇద్దరు భారత జవాన్లను బలిగొంది.

నియంత్రణ రేఖ వెంబడి మరోసారి కాల్పుల విరమణ ఒప్పందానికి తూట్లు పొడిచింది పాక్​. కశ్మీర్‌లోని కుప్వారా జిల్లా నౌ​గామ్ సెక్టార్​​ వద్ద పాక్​ సైన్యం జరిపిన కాల్పుల్లో ఇద్దరు భారత జవాన్లు అమరులయ్యారు. మరో నలుగురు గాయపడ్డారని అధికారులు తెలిపారు.

భారత సైన్యం లక్ష్యంగా మోర్టార్ షెల్స్​ను పాక్​ ప్రయోగించినట్లు అధికారులు చెప్పారు. భారత్ సైన్యం దీటుగా జవాబిచ్చిందని తెలిపారు.

ఇదీ చూడండి:భారత్ చేరనున్న వీవీఐపీ విమానం 'బోయింగ్​ 777'