భారత విద్యాసంస్థలు ప్రపంచ స్థాయిలో సత్తా చాటాయి. 'క్వాక్వారెల్లి సైమండ్స్ (క్యూఎస్) ర్యాంకింగ్స్-2021'లో దేశంలోని ప్రముఖ విశ్వవిద్యాలయాలకు స్థానం దక్కింది. ప్రపంచంలోని అగ్రశ్రేణి 200 విద్యాసంస్థల జాబితాలో ఐఐటీ బాంబే, ఐఐటీ దిల్లీ, ఐఐఎస్సీ బెంగళూరు నిలిచాయి. ఈ జాబితాలో గతేడాది 152వ ర్యాంకులో ఉన్న ఐఐటీ బాంబే.. 20 ర్యాంకులు కోల్పోయి 172కు చేరింది. కిందటి సంవత్సరం 182వ స్థానంలో ఉన్న ఐఐటీ దిల్లీ ప్రస్తుతం 193వ ర్యాంకు పొందింది. ఇంతకుముందు 184గా ఉన్న ఐఐఎస్సీ బెంగళూరు.. ఒక స్థానం కోల్పోయి 185వ స్థానం సంపాదించింది.
అత్యుత్తమ విద్యాలయాల జాబితాలో భారత్కు చోటు
ప్రపంచంలోని అగ్రశ్రేణి విద్యాసంస్థల జాబితాలో మూడు భారతీయ విశ్వవిద్యాలయాలకు చోటు లభించింది. 'క్యూఎస్ గ్లోబల్ ర్యాంకింగ్స్-2021' జాబితాలో స్థానం సంపాదించి ఐఐటీ బాంబే, ఐఐటీ దిల్లీ, ఐఐఎస్సీ బెంగళూరు సత్తా చాటాయి.
అత్యుత్తమ విద్యాలయాల జాబితాలో భారత్కు చోటు
మొత్తం వెయ్యి విద్యాసంస్థల జాబితాలో 21 భారత్కు చెందినవి ఉన్నాయి. గతేడాది 491 ర్యాంకు పొందిన ఐఐటీ గువాహటి 21 స్థానాలు మెరుగుపరుచుకుని 470కి చేరింది.