కశ్మీర్​ గ్రనేడ్​ దాడిలో తొమ్మిది మందికి గాయాలు

జమ్ముకశ్మీర్​లోని శ్రీనగర్​లో సీఆర్​పీఎఫ్​ సిబ్బందిపై గ్రనేడ్​ దాడి జరిగింది. రద్దీగా ఉండే లాల్​ చౌక్​ ప్రాంతానికి సమీపంలోని ప్రతాప్​ పార్క్ వద్ద ఉన్న జవాన్లపై దాడికి తెగబడ్డారు తీవ్రవాదులు. ఈ ఘటనలో ఇద్దరు సైనికులు, ఏడుగురు పౌరులు గాయపడ్డారు.

జమ్ముకశ్మీర్​లో సీఆర్​పీఎఫ్​ బలగాలపై జరిగిన గ్రనేడ్​ దాడిలో తొమ్మిది మంది గాయపడ్డారు. వీరిలో ఇద్దరు సైనికులు, ఏడుగురు పౌరులున్నారు. క్షతగాత్రులను వెంటనే స్థానిక ఆసుపత్రికి తరలించి చికిత్స అందిస్తున్నట్టు అధికారులు వెల్లడించారు.

ఆదివారం మధ్యాహ్నం శ్రీనగర్​ లాల్​ చౌక్​ ప్రాంతంలోని ప్రతాప్​ పార్క్ వద్ద ​ఒక్కసారిగా గ్రనేడ్​ దాడి జరిగింది. అక్కడ ఉన్న జవాన్లే లక్ష్యంగా దాడికి తెగబడ్డారు తీవ్రవాదులు. దీనితో స్థానిక ప్రజలు భయాందోళనలకు గురయ్యారు. అనంతరం లాల్​ చౌక్​ ప్రాంతాన్ని భద్రతా దళాలు స్వాధీనం చేసుకున్నాయి.