తమిళనాడులో డాక్టర్ల సమ్మె.. వైద్యసేవలు బంద్​

తమిళనాడువ్యాప్తంగా 18 వేల మంది వైద్యులు నిరవధిక సమ్మెకు దిగి 24 గంటలు గడిచిపోయింది. మరోవైపు ఆసుపత్రుల్లో వందలాది మంది రోగులు వైద్యం లేక అలమటిస్తున్నారు.

తమిళనాడు రాష్ట్ర ప్రభుత్వ వైద్యుల సమాఖ్య నిరవధిక సమ్మె రెండో రోజూ కొనసాగుతోంది. సరైన జీతాలు, పదోన్నతులు డిమాండ్​ చేస్తూ.. దాదాపు 18 వేల మంది వైద్యులు ధర్నాకు దిగారు. విధులు బహిష్కరించి ప్రభుత్వాన్ని నిలదీసేందుకు రోడ్డెక్కారు. అత్యవసర సేవలు మినహాయించి... మిగతా వైద్య సేవలన్నీ పూర్తిగా నిలిపివేశారు.

ఈ నేపథ్యంలో ప్రభుత్వ ఆసుపత్రుల్లో ఇప్పటికే చేరిన రోగులు అవస్థలు పడుతున్నారు. వైద్య సేవలు అందక ఔట్​పేషెంట్​ వార్డుల్లో వందలాది మంది రోగులు ఇబ్బందులు పడుతున్నారు. అయినా... ఇప్పటివరకు ఆ రాష్ట్ర ప్రభుత్వం వైద్యులను శాంతి పరిచే ప్రయత్నాలేవీ చేయలేదు.

వైద్యుల డిమాండ్లివే..

• పీజీ అడ్మిషన్లలో సర్వీస్​ కోటా కింద 50% రిజర్వేషన్లు కావాలి.
• రోగుల సంఖ్యను బట్టి వైద్యుల నియామకాలు జరిపించాలి.
• జీతాల పెంపు, పదోన్నతులకు ప్రభుత్వం హామీ ఇవ్వాలి.

ఇదీ చూడండి:నడుస్తుంటే.. భూమి ఒక్కసారిగా కుంగిపోయింది