బల పరీక్షకు ఒక్కరోజు ముందు కర్ణాటక ముఖ్యమంత్రి యడియూరప్ప.. సభలో నూటికి నూరు శాతం తన బలాన్ని నిరూపించుకుంటానని ధీమా వ్యక్తం చేశారు. గత కాంగ్రెస్-జేడీఎస్ ప్రభుత్వం రూపొందించిన ఆర్థిక బిల్లుకు ఎలాంటి మార్పులు లేకుండా సభలో ప్రవేశపెట్టనున్నట్లు పేర్కొన్నారు.
ఆర్థిక బిల్లు అత్యవసరంగా సభామోదం పొందాల్సిన అవసరముందన్నారు యడ్డీ. లేని పక్షంలో జీతాలు చెల్లించేందుకు కూడా ప్రభుత్వానికి కష్టంగా మారుతుందన్నారు.
14 నెలల కాంగ్రెస్-జేడీఎస్ కూటమి ప్రభుత్వం సభ విశ్వాసాన్ని కోల్పోయింది. అనంతరం గత శుక్రవారమే కన్నడ పీఠాన్ని నాలుగోసారి అధిష్టించారు యడియూరప్ప. సోమవారం కన్నడ విధానసౌధలో బల నిరూపణ చేసుకోనున్నారు యడ్డీ.