10 ఏళ్లలో నరేంద్ర మోదీ సారథ్యాన భారత్ 2030 కల్లా సాధించాలనుకుంటున్న స్వప్నానికి 10 ప్రామాణిక సూత్రాలు నిర్దేశించుకున్నట్లు చెప్పారు కేంద్ర ఆర్థిక మంత్రి పీయూష్ గోయల్.
10 ఏళ్ల స్వప్నానికి 10 సూత్రాలు
వివిధ వర్గాలపై వరాల జల్లుకు మాత్రమే పరిమితం కాలేదు ఆర్థిక మంత్రి పీయూష్ గోయల్. దీర్ఘకాలిక భవిష్యత్కు ప్రణాళికలు ఆవిష్కరించారు.
బడ్జెట్ 2019
"10 ముఖ్యమైన సూత్రాలను మీ ముందు ఉంచుతున్నా.
⦁ ఈ స్వప్నానికి మొదటి సూత్రం భౌతిక, సామాజిక మౌలిక వసతుల కల్పన.
⦁ రెండవది 'డిజిటల్ ఇండియా' సృష్టి.
⦁ 'కాలుష్యరహిత భారత్ సాకారమే' 3వ సూత్రం.
⦁ అధునాతన సాంకేతికతతో గ్రామీణ పారిశ్రామిక అభివృద్ధి సాధించి భారీ సంఖ్యలో ఉద్యోగాల కల్పన మా స్వప్నంలో నాల్గవ సూత్రం.
⦁ 5వ సూత్రం భారత నదుల పరిశుభ్రత.
⦁ తీర ప్రాంతాలు, సముద్ర జలాలు భారత అభివృద్ధికి విస్త్రతంగా ఉపయోగపడటం 6వ సూత్రం
⦁ మా 7వ సూత్రం అంతరిక్ష్యం వైపు చూపిస్తోంది. 'గగన్యాన్' ద్వారా 2022 కల్లా భారత వ్యోమగామి అంతరిక్ష్యంలో అడుగుపెట్టాలి.
⦁ దేశానికి సరిపడే ఆహారం స్వయంగా తయారుచెయ్యాలి. ఇతర దేశాలకు ఎగుమతి చేసే విధంగా ఉండాలి.
⦁ 'ఆరోగ్య భారత్' 9వ సూత్రం.
⦁ 'కనిష్ఠ ప్రభుత్వం-గరిష్ఠ పాలన' ద్వారా భారత్ రూపాంతరం చెందడం 10వ సూత్రం."
-పీయూష్ గోయల్, కేంద్ర ఆర్థిక మంత్రి
బడ్జెట్ 2019