నాన్నా.. అంటూ తండ్రి విగ్రహానికి చిన్నారి ముద్దులు

తను తల్లికడుపులో ఉండగానే తండ్రి మరణించాడు. సంవత్సరం తర్వాత తన తండ్రి విగ్రహం దగ్గరకు వెళ్లి ఆ చిన్నారి.. నాన్నా అని పలకరించింది. ప్రేమతో విగ్రహాన్ని కౌగిలించుకుని ముద్దాడింది. అమర జవాను కూతురి ప్రేమ చూపరులను భావోద్వేగానికి లోను చేసింది.

ఆ చిన్నారి.. తల్లి కడుపులో ఉండగానే తండ్రి మరణించాడు. సరిగ్గా సంవత్సరం తర్వాత తన తండ్రి విగ్రహం వద్దకు వచ్చింది ఆ పాప. ఈ వ్యక్తి నీ నాన్న అని కుటుంబ సభ్యులు చెప్పగానే.. విగ్రహం దగ్గరికి వెళ్లి 'నాన్నా' అంటూ పలకరించింది. విగ్రహాన్ని కౌగిలించుకొని ముద్దుపెట్టుకుంది. మిఠాయి తినిపించాలనుకుంది.

ఛత్తీస్​గఢ్​లోని కోర్బా నగరంలో ఈ ఘటన చోటుచేసుకుంది. సబ్​ ఇన్​స్పెక్టర్​గా ఉన్న మూలచందర్..​ గతేడాది జనవరిలో జరిగిన నక్సల్స్​ దాడిలో అమరుడయ్యాడు. ఆ సమయంలో ఆయన భార్య గర్భవతి. సంవత్సరం తర్వాత మూలచందర్​ జయంతి రోజున కుటుంబమంతా అయన విగ్రహానికి నివాళులర్పించారు.

నిజ జీవితంలో తండ్రిని చూడలేకపోయినా.. ఆయన విగ్రహంపై ఆ కూతురు కురిపించిన ప్రేమను చూసిన వారు కంటతడి పెట్టుకున్నారు.