రోడ్డు ప్రమాదాలకు ఏటా 1.5 లక్షల మంది బలి!

ఏటా దేశంలో దాదాపు 5 లక్షల రోడ్డు ప్రమాదాలు జరుగుతున్నాయని.. అందులో 1.5 లక్షల మంది ప్రాణాలు కోల్పోతున్నారని కేంద్రమంత్రి నితిన్​ గడ్కరీ వెల్లడించారు. నాగ్​పుర్​లో రోడ్డు వారోత్సవాల ప్రారంభంలో ఈ విషయాలు తెలిపారు గడ్కరీ.

దేశంలో ఏటా రోడ్డు ప్రమాదాల కారణంగా 1.5 లక్షల మంది ప్రాణాలు కోల్పోతున్నారని కేంద్ర రోడ్డు రవాణా, రహదారులశాఖ మంత్రి నితిన్​ గడ్కరీ తెలిపారు. సంవత్సరానికి దాదాపు 5 లక్షల రోడ్డు ప్రమాదాలు జరుగుతున్నట్లు ఆయన వెల్లడించారు.

నాగ్​పుర్​లో జరిగిన రోడ్డు భద్రతా వారోత్సావ ప్రారంభ కార్యక్రమంలో ఆయన ఈ విషయాలు వెల్లడించారు. రోడ్డు వారోత్సవాలు జనవరి 17న ముగియనున్నాయి.

"దేశంలో ప్రతి ఏటా 5 లక్షల రోడ్డు ప్రమాదాలు జరుగుతున్నాయి. వాటి కారణంగా 1.5 లక్షల మంది ప్రాణాలు కోల్పోతున్నారు. దాదాపు 2.5 నుంచి 3 లక్షల మంది గాయాలపాలవుతున్నారు. ఫలితంగా జీడీపీ 2 శాతం ప్రభావితమవుతోంది. రోడ్డు ప్రమాదాల్లో మరణించే వారిలో 62 శాతం మంది 18 నుంచి 35 ఏళ్ల మధ్య వయస్సున్న వాళ్లే."

- నితిన్​ గడ్కరీ, కేంద్రమంత్రి, రోడ్డు రవాణా, రహదారులశాఖ

రోడ్డు ప్రమాదాలను నివారించేందుకు ఎన్ని చర్యలు తీసుకున్నా వాటిని తగ్గించలేకపోయామని గడ్కరీ చెప్పుకొచ్చారు.

తమిళనాడులో రోడ్డు ప్రమాదాలను 30 శాతం నుంచి 29 శాతానికి తగ్గించడం అభినందనీయమన్నారు.

ట్రాఫిక్​ నిబంధనల పట్ల అవగాహన, నిబద్ధతతో పాటు పోలీసులు, ఆర్టీవోలు, ఎన్​జీఓల సంయుక్త కృషితో రోడ్డు ప్రమాదాలను నివారించొచ్చని ఆయన అభిప్రాయపడ్డారు.

ఇదీ చూడండి:రసాయన కర్మాగారంలో అగ్ని ప్రమాదం.. 8 మంది దుర్మరణం