పిల్లలపై కొవాగ్జిన్​ 2, 3 దశల క్లీనికల్​ ట్రయల్స్​!

కొవాగ్జిన్​ను 2 నుంచి 18 ఏళ్ల మధ్య వయస్సున్న పిల్లలపై ఫేజ్​-2, ఫేజ్​-3 క్లీనికల్ ట్రయల్స్‌కు నిపుణుల కమిటీ సిఫారసు చేసినట్లు సమాచారం. భారత్‌ బయోటెక్ విజ్ఞాపన మేరకు పూర్తి స్థాయి చర్చల తర్వాత ఆమోదించినట్లు కేంద్ర ప్రభుత్వ వర్గాలు తెలిపాయి.

కరోనా కట్టడికి భారత్ బయోటెక్​ అభివృద్ది చేసిన దేశీయ టీకా కొవాగ్జిన్‌ను 2 నుంచి 18 సంవత్సరాల మధ్య వయస్సున్న పిల్లలపై 2, 3 దశల క్లీనికల్ ట్రయల్స్‌కు నిపుణుల కమిటీ సిఫారసు చేసింది. ఈ మేరకు కేంద్ర ప్రభుత్వ వర్గాలు తెలిపాయి. దిల్లీ ఎయిమ్స్​, పట్నా ఎయిమ్స్​, నాగ్‌పుర్ మెడిట్రినా ఇనిస్టిట్యూట్​ ఆఫ్​ మెడికల్​ సైన్సెస్‌లో దాదాపు 525 మందిపై క్లీనికల్ ట్రయల్స్ జరగనున్నాయి.

ఈ ట్రయల్స్‌కు సంబంధించి భారత్‌ బయోటెక్ పెట్టుకున్న విజ్ఞాపనపై పూర్తి స్థాయి చర్చల అనంతరం కేంద్ర ఔషధ ప్రమాణాల నియంత్రణ సంస్థ(సీడీఎస్​సీఓ) నిపుణుల కమిటీ ఆమోదం తెలిపినట్లు సమాచారం. ఈ ట్రయల్స్‌కు సంబంధించిన ప్రతిపాదనలు ఫిబ్రవరి 24నే నిపుణుల కమిటీ ఎదుటకు వచ్చాయి. అయితే ఈ ట్రయల్స్‌కు సంబంధించిన రివైజెడ్​ క్లీనికల్​ ట్రయల్​ ప్రొటోకాల్​ సమర్పించాలని నిపుణుల కమిటీ సూచించింది.

ఇదీ చూడండి:'టీకాలే ఆ వేరియంట్​ను సమర్థంగా ఎదుర్కొంటాయి'