రైలు పట్టాలపై రైతుల అర్ధనగ్న నిరసన

12:25 March 26

అర్ధ నగ్న నిరసన

పంజాబ్​లోని అమృత్ సర్-దిల్లీ రైల్వే ట్రాక్​పై అర్ధనగ్నంగా బైఠాయించారు కిసాన్ మజ్దూర్ సంఘర్ష్ కమిటీ సభ్యులు. సాగు చట్టాలకు వ్యతిరేకంగా నినాదాలు చేశారు. 

10:03 March 26

4 రైళ్లు రద్దు

బంద్ నేపథ్యంలో పంజాబ్, హరియాణాలోని 31 ప్రాంతాల్లో రైతులు రహదారులపై బైఠాయించారు. ఈ తరుణంలో దిల్లీ, అంబాలా, ఫిరోజ్​పుర్ డివిజన్​ మధ్య రైళ్ల రాకపోకలకు అంతరాయం ఏర్పడింది. 4 శతాబ్ది రైళ్లను రద్దు చేసినట్లు భారత రైల్వే శాఖ పేర్కొంది. 

09:27 March 26

గాజీపుర్​ వద్ద అన్నదాతల నృత్యాలు

భారత్​ బంద్​లో భాగంగా.. గాజీపుర్ సరిహద్దు వద్ద అన్నదాతలు పాటలు పాడుతూ, నృత్యాలు చేశారు. సాగు చట్టాలకు వ్యతిరేకంగా నినాదాలు చేస్తూ..బంద్​లో పాల్గొన్నారు. 

08:16 March 26

రైల్వే ట్రాక్​పై బైఠాయించిన రైతులు

12 గంటల భారత్​ బంద్​లో భాగంగా అంబాలా షాహ్​పూర్​లో రైల్వే ట్రాక్​పై బైఠాయించారు రైతులు. మరికొందరు రైతులు జీటీ రోడ్డును నిర్భందించారు. 

07:58 March 26

లైవ్​ అప్​డెట్స్​: భారత్​ బంద్​

వ్యవసాయ చట్టాలకు వ్యతిరేకంగా దిల్లీ సరిహద్దుల్లో ఆందోళన చేస్తున్న రైతులు శుక్రవారం సంపూర్ణ భారత్‌ బంద్‌కు పిలుపునిచ్చారు. ఉదయం ఆరు గంటల నుంచి సాయంత్రం ఆరు వరకు సాగే ఈ బంద్‌ను విజయవంతం చేయాలని రైతు సంఘాల సమాఖ్య, సంయుక్త కిసాన్‌ మోర్చా (ఎస్‌కేఎమ్‌) ప్రజలకు విజ్ఞప్తి చేశాయి. 

ఎన్నికలు జరుగుతున్న నాలుగు రాష్ట్రాలు, కేంద్ర పాలిత ప్రాంతం పుదుచ్చేరి మినహా దేశమంతా రోడ్డు, రైలు, రవాణా సేవలను నిలిపివేస్తామని, మార్కెట్లను స్తంభింపజేస్తామని పేర్కొంది. సాగు చట్టాలకు వ్యతిరేకంగా జరుగుతున్న ఆందోళనలకు నాలుగు నెలలు పూర్తవుతున్న సందర్భంగా ఈ బంద్‌కు పిలుపిచ్చినట్లు ఎస్‌కేఎమ్‌ తెలిపింది. బంద్‌కు తాము మద్దతివ్వడం లేదని అఖిల భారత వర్తకుల సమాఖ్య ప్రకటించింది.

దిల్లీ-యూపీ సరిహద్దు ఘజియాబాద్ వద్ద రైతులు రోడ్డుపై బైఠాయించారు. సంయుక్త కిసాన్ మోర్చా నేతల ఆధ్వర్యంలో సాగు చట్టాలు రద్దు చేయాలంటూ నినాదాలు చేశారు.