'రాముడి పేరున అక్రమాలు సరికాదు'

రామ జన్మభూమి తీర్థ క్షేత్ర ట్రస్ట్​ను విమర్శిస్తూ కాంగ్రెస్​ నేత రాహుల్​ గాంధీ ట్వీట్ చేశారు. రాముడి పేరున అవినీతికి పాల్పడటం అన్యాయమని పేర్కొన్నారు.

రాముడి పేరును అడ్డంపెట్టుకుని అవినీతికి పాల్పడటం అన్యాయం అని కాంగ్రెస్​ నేత రాహుల్​ గాంధీ పేర్కొన్నారు. 'శ్రీ రాముడు న్యాయానికి, సత్యానికి, విశ్వాసానికి ప్రతీతి. ఆయన పేరుతో అవినీతికి పాల్పడటం అన్యాయం' అని సోమవారం ట్వీట్​ చేశారు.

రామ జన్మభూమి తీర్థ క్షేత్ర ట్రస్ట్‌.. అయోధ్యలో రెండు కోట్లు విలువ చేసే భూమిని రూ.18.5 కోట్లకు కొనుగోలు చేసినట్లు కాంగ్రెస్​ ఆరోపించింది.

మరో ట్వీట్​..

రాహుల్​ మరో ట్వీట్​లో ప్రైవేటీకరణకు సంబంధించి కేంద్రం ప్రవేశపెట్టిన 'మోదీ మిత్ర-సెంట్రిక్​' కార్యక్రమంపై విమర్శలు చేశారు.

అది ప్రజలకు నిరుపయోగమని.. కాంగ్రెస్​ ప్రతిపాదించిన 'న్యాయ్'​ పథకం ఎంతో మేలు కలిగిస్తుందని వ్యాఖ్యానించారు.

ఇదీ చదవండి :అయోధ్య ఆలయ భూమిపై వివాదం- అవినీతి నిజమేనా?