Bengaluru Crime News: కర్ణాటక బెంగళూరులో దారుణం జరిగింది. మైనర్పై అత్యాచారానికి పాల్పడ్డాడు 36 ఏళ్ల ఆటోడ్రైవర్. ఈ ఘటనలో నిందితుడిని అరెస్టు చేశారు పశ్చిమ బెంగళూరు పోలీసులు.
ఇదీ జరిగింది..
ఆటోడ్రైవర్ అనిల్ కుమార్(36).. బాలిక ఇంటి సమీపంలోనే నివసిస్తుండేవాడు. అయితే.. శనివారం రాత్రి 7.30 గంటలకు బాధితురాలి తల్లి బయటకు వెళ్లింది. అదే అదనుగా భావించి మైనర్ ఇంట్లోకి ప్రవేశించాడు అనిల్. గుడ్డ ముక్కలతో బాలికను కట్టేసి ఆమెను రేప్ చేశాడు.
కొద్ది సమయం తర్వాత ఇంటికి తిరిగొచ్చిన బాధితురాలి తల్లి.. తీవ్ర గాయాలతో ఉన్న తన కూతురుని చూసి షాక్ అయింది. వెంటనే పోలీసులకు సమాచారం అందించింది. బాలిక తల్లి ఫిర్యాదుతో.. నందినీ లే అవుట్ పోలీసు స్టేషన్లో పోక్సో చట్టం కింద కేసు నమోదు చేశారు పోలీసులు. మైనర్ను మెడికల్ చెకప్ కోసం ఆసుపత్రికి తరలించారు. అత్యాచారానికి పాల్పడిన అనిల్ను అరెస్టు చేసి దర్యాప్తు ముమ్మరం చేసినట్లు పేర్కొన్నారు.
ఇదీ చదవండి:
మహిళపై దంపతుల అత్యాచారం- వీడియో తీసి బ్లాక్మెయిల్!
