18:35 April 29
ప్రశాంతంగా తుది విడత పోలింగ్..
బంగాల్ అసెంబ్లీ ఎన్నికల తుది విడత పోలింగ్ ప్రశాంతంగా ముగిసింది. భారీ భద్రతతో ఎలాంటి అవాంఛనీయ ఘటనలకు తావులేకుండా చర్యలు చేపట్టింది ఈసీ. సాయంత్రం 5 గంటల వరకు 76 శాతం పోలింగ్ నమోదైనట్లు ఎన్నికల సంఘం తెలిపింది.
ఎనిమిదో విడతలో మొత్తం.. 35 నియోజకవర్గాలకు పోలింగ్ జరిగింది. 283 మంది అభ్యర్థులు భవితవ్యాన్ని ఈవీఎంలలో నిక్షిప్తం చేశారు ఓటర్లు. మే 2న తుది ఫలితాలు వెలుడవనున్నాయి.
15:40 April 29
3 గంటల వరకు 68 శాతం పోలింగ్..
బంగాల్ తుది విడత పోలింగ్ ప్రశాంతంగా కొనసాగుతోంది. మధ్యాహ్నం 3 గంటల వరకు 68.46 శాతం ఓటింగ్ నమోదైనట్లు ఎన్నికల సంఘం తెలిపింది.
11:37 April 29
37 శాతం పోలింగ్
కరోనా వేళ జరుగుతున్న బంగాల్ చివర దశ ఎన్నికల్లో 11.30 గంటల వరకు 37.80 శాతం ఓటింగ్ జరిగినట్లు ఎన్నికల అధికారులు తెలిపారు. పోలింగ్ ప్రశాంతంగా జరుగుతుంది.
11:14 April 29
ఓటు వేసిన రాష్ట్ర గవర్నర్
బంగాల్ చివరి విడత ఎన్నికల్లో రాష్ట్ర గవర్నర్ జగ్దీప్ ధన్కర్.. ఆయన సతీమణి సుదేశ్ ధన్కర్ ఓటు వేశారు. కోల్కతాలోని చోరంగీ పోలింగ్ బూత్లో తమ ఓటు హక్కు వినియోగించుకున్నారు.
09:39 April 29
ఉదయం 9.30 వరకు 16 శాతం ఓటింగ్...
బంగాల్ చివరి విడత ఎన్నికల్లో ఉదయం 9.31 గంటల వరకు 16 శాతానికిపైగా పోలింగ్ జరిగింది.
09:19 April 29
బాంబు కలకలం
బంగాల్ చివరి దశ ఎన్నికల్లో బాంబు పేలుడు కలకలం సృష్టించింది. ఉత్తర కోల్కతాలోని మహాజాతి సదన్ ఆడిటోరియానికి సమీపంలో ఈ ఘటన జరిగింది. దీనిపై వివరణ ఇవ్వాలని అధికారులను ఎన్నికల సంఘం ఆదేశించింది.
08:50 April 29
'కరోనా నిబంధనలు పాటించండి'
బంగాల్ చివరి దశలో కరోనా నిబంధనలు పాటిస్తూ.. ఓటింగ్లో పాల్గొనాలని ఓటర్లకు పిలుపునిచ్చారు ప్రధాని నరేంద్ర మోదీ. ఎన్నికలు జరుగుతున్న నియోజకవర్గాల్లో ఓటర్లంతా తమ ఓటు హక్కు వినియోగించుకోవాలని ట్వీట్ చేశారు.
07:52 April 29
ఆలస్యంగా ఓటింగ్..
బీర్భుమ్లోని 188వ పోలింగ్ బూత్లోని ఈవీఎంలలో తలెత్తిన సాంకేతిక సమస్య కారణంగా కాస్త ఆలస్యంగా ఓటింగ్ ప్రారంభమైంది.
07:42 April 29
ఓటేసిన మిథున్ చక్రవర్తి..
బంగాల్ చివరి విడత ఎన్నికలు ప్రశాంతంగా సాగుతున్నాయి. ప్రముఖ నటుడు, భాజపా నేత మిథున్ చక్రవర్తి.. కాశిపుర్-బెల్గాచియా పోలింగ్ కేంద్రంలో ఓటు హక్కు వినియోగించుకున్నారు. ఇంత శాంతియుత వాతావరణంలో ఇంతకుముందెన్నడూ ఓటేయలేదని వ్యాఖ్యానించారు.
06:34 April 29
బంగాల్ దంగల్: చివరిదశ పోలింగ్ షురూ
బంగాల్లో చివరిదైన ఎనిమిదో విడత పోలింగ్ ప్రారంభమైంది. మాల్దా, శాంతినికేతన్, బోల్పుర్ పోలింగ్ బూత్ల వద్ద ఉదయం నుంచే ఓటర్లు బారులు తీరారు. తమ ఓటు హక్కును వినియోగించుకుంటున్నారు.
35 నియోజకవర్గాలకు జరుగుతున్న ఈ ఎన్నికల్లో 283 మంది అభ్యర్థులు బరిలో నిలిచారు. ఈ దఫా మొత్తం 84 లక్షల మందికిపైగా ఓటర్లు ఉన్నారు.
పటిష్ఠ భద్రత నడుమ పోలింగ్
గత అనుభవాల దృష్ట్యా ఎలాంటి అవాంఛనీయ ఘటనలు జరగకుండా పటిష్ఠ భద్రత ఏర్పాట్లు చేశామని అధికారులు తెలిపారు. ఎన్నికల సంఘం సున్నితమైన ప్రాంతంగా గుర్తించిన బీర్భుమ్ జిల్లాలో భారీగా కేంద్ర బలగాలను మోహరించింది. కరోనా ఉద్ధృతి నేపథ్యంలో కొవిడ్‌ నిబంధనలు పాటిస్తూ.. పోలింగ్ నిర్వహిస్తామని ఎన్నికల అధికారులు తెలిపారు.
మే2న బంగాల్తో పాటు, కేరళ, తమిళనాడు, అసోం, పుదుచ్చేరి అసెంబ్లీ ఎన్నికల ఫలితాలను ప్రకటించనున్నారు.